Üç dəfə evləndi, səsini itirdi, evində ölü tapıldı Narkotikin qurbanı olan müğənni FOTO


Kriminal 18 İyl 2021 09:11:00 73 0

Üç dəfə evləndi, səsini itirdi, evində ölü tapıldı  Narkotikin qurbanı olan müğənni  FOTO

Bu gün 90-cı illərin populyar müğənnisi olan Elçin Cəlilovun doğum günüdür.

Son.az kulis.az-a istinadən müğənni haqqında 10 maraqlı faktı təqdim edir.

1. Əslən Qax rayonundan olan Elçin Əsəd oğlu Cəlilov 17 iyul 1968-ci ildə anadan olub. Ailədə iki qardaş, bir bacı olublar. Elçin atasını erkən yaşlarında avtomobil qəzasında itirir, mehrini anasına salır.

Musiqiyə həvəsi ailəsindən başlanıb. Sovet dövründə ailə ansambllarından birini də Cəlilovlar ailəsi təşkil edib. Səkkiz nəfərlik ailə ansamblı müxtəlif qastrollara gedir, konsert proqramları ilə çıxış edirdilər. Daha sonra Elçin Bülbül adına musiqi məktəbinə daxil olur, Şövkət Ələkbərovadan dərs alır.

2. Yaşının erkən çağında anasının istəyi ilə xalası qızı Mənfurə xanımla ailə qurur. Bu evlilikdən onun bir qızı, bir oğlu doğulur. Oğlu kiçik yaşlarında dünyasını dəyişir. Elçinin evliliyinin ömrü uzun çəkmir, bir müddət sonra onlar ayrılırlar. Elçin əvvəlcə Tahirə adlı xanımla ailə qurur, lakin, bu nikah da uğursuz olduğundan onun üçüncü evliliyi müğənni Lalə Dadaşova ilə baş tutur.

Elçin ilk dəfə səhnəyə sazla çıxaraq, bir neçə aşıq mahnısı ifa edir. Daha sonra isə Bakı Musiqi Akademiyasına daxil olur, Arif Babayevdən dərs almağa başlayır. Və efirlərə muğam ifaçısı kimi çıxır. O, muğam dəsgahları ilə yanaşı, xalq, estrada mahnıları, romansları gözəl ifa edir.

3. Sonralar Arif Babayev müsahibələrinin birində belə deyir: "Mən ona həmişə sənətkar deyirdim. Doğurdan da əsl xarakterli, sənətkar adam idi. Hər adama elə səs qismət olmur. Sonralar toylara getdi, yaxşı pul qazandı. Hər dəfə deyirdim ki, Elçin, bu pulların qədrini bil ha, bunlar adama bir dəfə verilir. Mənə qarşı həmişə çox hörmətli davranırdı. Başına gələnləri eşidəndə, onu çağırdım yanıma. Dedim, Elçin, sən xanəndəsən, mədəniyyət işçisisən, belə olmaz".

4. Günlərin birində Elçin Rəşid Behbudovla görüşür, böyük sənətkar onun ifasını, səsini çox bəyənir. Qısa zaman ərzində Elçin Rəşid Behbudovun sevimli ifaçılarından birinə çevrilir, Mahnı Teatrının aparıcı solisti kimi müğənnilik karyerasına başlayır. Böyük səhnəyə "Sevgilim sən maral kimi" mahnısı ilə qədəm qoyur. Lakin, musiqi karyerasının ilk günlərindən ona qarşı bəzi həmkarları tərəfindən paxıllıq başlayır. Bir çox vacib konsertlərdə onun iştirakına mane olurlar. Bu cür hadisələr isə on çox pis təsir edir.

5. Xanəndəliyə başladığı ilkin dövrlərdə Elçin nə siqaret çəkir, nə içki içir. Çox utancaq və əxlaqlı insan kimi hörmət qazanır. Qardaşı Yusifin narkotik asılılığından əziyyət çəkməsi ona pis təsir edir, toylardan qazandığı pulları qardaşının müalicəsi üçün xərcləyir. Lakin sonrakı illər təəssüf ki, Elçinin də pis vərdişlərə aludəçiliyi onun sənətinə təsir edir. Qısa zaman ərzində Elçin narkotik vasitələrinin istifadəçisinə çevrilir, gün-gündən arıqlayır, səsini itirir.

Bir müddət müalicə görən Elçin özü də bu asılılıqdan xilas olmağa çalışır. Evdə həm də piano ifaçısı olan Lalə Dadaşova ilə məşqlər edir. Dörd oktavalıq səsini itirən müğənni həyat yoldaşı Lalədən xahiş edir ki, məşqlərdə ona səsini açmaq üçün kömək etsin. Bir gün isə yalvarırcasına ona deyir, Lalə, mənim səsimi açarsan?

6. Mahnı Teatrındakı konsert məşqlərinə geciksə də müəllimi Kamil Vəzirov deyir ki, sonradan gəlib ondan xahiş edir, hətta ağlayıb, yalvarır ki, ona səhnəyə çıxa bilməsi, oxuması, səs imkanlarını geri qaytara bilməsi üçün kömək etsinlər.

Bir müddət sonra Elçinin qardaşı avtomobil qəzasına düşür. Elçin anası və qızı ilə qardaşının yanına gedir. Onlar xəstəxanadan geri qayıdanda Elçinin idarə etdiyi maşın yol kənarındakı ağaca çırpılır. Bu qəzadan Elçin və qızı sağ çıxsalar da, anası elə hadisə yerində dünyasını dəyişir. Anasının vəfatından sonra isə Elçin yaşamaq istəmir, özünü onun ölümündə günahkar bilir. Tez-tez mən - anamı öldürdüm, mən də öləcəm, yaşamaq istəmirəm sözlərini deyir.

7. Bir dəfə isə Mingəçevirdə toyda olanda içkili olur, toyda dava düşür, Elçin əli ilə vurub restoranın şüşələrini sındırır. Elçini polisə aparırlar. Xəbər Arif Babayevə çatanda Arif müəllim polis idarəsinə zəng vurub deyir ki, o, mənim sevimli tələbəmdir, onu buraxın.

Deyilənə görə, Elçinin narkomaniyaya mübtəla olmasına səbəb bəzi həmkarları olub. Elçinin məşhurluğu, səsinin gözəlliyi və onun günü-gündən şöhrət qazanması bir çoxlarını qıcıqlandırır və inkişafdan saxlamaq üçün qəsdən onu bu yola doğru çəkirlər. Sonralar bu barədə özü həyat yoldaşı Lalə Dadaşovaya da etiraf edib, deyir ki, məni bu yola qəsdən saldılar, hətta yaşadığım evə narkotik vasitələr gətirirdilər ki, mən ondan istifadə edim.

8. Ağ ölüm qısa zaman ərzində Elçinin ailəsini dağıdır. Lalə Dadaşova Elçinin yenidən narkotikdən istifadə etdiyini görəndə onu tərk edib gedir. Ancaq bir müddət sonra o, Laləyə zəng vurub deyir ki, məni bağışla, mənə kömək et. Bu dəfə də mən bacarmasam, anamın qəbri üstünə gedib, özümü öldürəcəm. Və onlar barışırlar.

Ömrünün son günlərində Elçin səhnəyə çıxmağa, oxumağa can atır. Həyat yoldaşı Lalə onu Sumqayıtdakı konsertlərin birinə aparır. Rejissor Elçini görüb təəccüblənir. Müğənni Rəqsanə isə dözməyib deyir, bu nə günə düşüb? Fonoqramma ilə olan konsert bitəndən sonra rejissor Laləyə yaxınlaşıb deyir: Elçin tanınmaz hala düşüb, efirə yaramır. Mən onun ifasını yazdım, amma montaj zamanı kəsəcəm, onu belə vəziyyətdə efirə verə bilmərəm.

9. 2005-ci il mayın 10-da səhər vaxtı Elçin Cəlilov mənzilində ölü tapılır. 37 yaşında vəfat edən müğənninin ölümünə səbəb kimi narkotikdən istifadə etməsi göstərilir. Xanəndə Mehdiabad qəbiristanlığında dəfn olunur. Deyilənə görə, ona narkotik vasitəsi gətirənlərdən biri də qardaşı Yusif olub. Elçinin ölümündən az müddət sonra isə Yusif də dünyasını dəyişir.

10. Elçin Cəlilov ötən il 27 yaşında ürək tutmasından dünyasını dəyişən gənc yazar Kamran Sunun ögey əmisi olub. Bu barədə Kamranın "Kaktus" adlı romanının bir hissəsində qeyd olunur.

Növbəti tədris ilindən etibarən ənənəvi təhsilin bərpası zəruridir  Ekspert like
  • 18 İyl 09:05  
Digərləri Növbəti tədris ilindən etibarən ənənəvi təhsilin bərpası zəruridir Ekspert

Vaksinasiyanın sürətlənməsi, təhsil sahəsində çalışanların böyük h

arrow Ətraflı
Gürcü xəngəlinin resepti like
  • 18 İyl 08:57  
Digərləri Gürcü xəngəlinin resepti

Son.az "Ağababa Ağababa" youtube kanalına istinadən oxucularına n

arrow Ətraflı
Müğənni çimərlikdən görüntü paylaşdı like
  • 18 İyl 06:36  
Şou-biznes Müğənni çimərlikdən görüntü paylaşdı

Sosial media səhifəsində tez-tez paylaşımlar edən İrem Derici tətilində

arrow Ətraflı
“Bir zamanlar Çukurova”da baş obrazı oynayacaq like
  • 18 İyl 05:34  
Digərləri “Bir zamanlar Çukurova”da baş obrazı oynayacaq

"Bir zamanlar Çukurova" serialında dəyişiklik edilib.

arrow Ətraflı
Azərbaycanda sevilən aktrisanın YENİ İMİCİ like
  • 18 İyl 04:36  
Şou-biznes Azərbaycanda sevilən aktrisanın YENİ İMİCİ

Azərbaycanda da sevilərək izlənilən Türkiyənin "Hercai" filmini

arrow Ətraflı
Daha bir şadlıq sarayının sahibinə cinayət işi açıldı like
  • 18 İyl 03:34  
Digərləri Daha bir şadlıq sarayının sahibinə cinayət işi açıldı

Mingəçevir Şəhər Polis Şöbəsinin əməkdaşları şəhər ərazisində f

arrow Ətraflı
“Qadının fahişə olmasında kişinin əli var” like
  • 18 İyl 02:32  
Şou-biznes “Qadının fahişə olmasında kişinin əli var”

Rejissor və aktyor Kənan M.M maraqlı açıqlaması ilə gündəmə gəlib.

arrow Ətraflı
Ceff Bezosun kosmik səfərinə 18 yaşlı gənc də qoşulacaq  like
  • 18 İyl 01:36  
Dünya Ceff Bezosun kosmik səfərinə 18 yaşlı gənc də qoşulacaq

18 yaşlı amerikalı Oliver Demen iyulun 20-də amerikalı milyarder Ceff Bezos

arrow Ətraflı
Sevda qırmızı libası ilə HEYRAN ETDİ like
  • 18 İyl 00:34  
Şou-biznes Sevda qırmızı libası ilə HEYRAN ETDİ

Müğənni Sevda Yahyayeva sosial media hesabındakı paylaşımı ilə diqqət

arrow Ətraflı
Bu gündən dörd günlük bayram tətili başlayır like
  • 18 İyl 00:32  
Digərləri Bu gündən dörd günlük bayram tətili başlayır

Bu gündən Qurban bayramı ilə əlaqədar dörd günlük tətil başlayır.

arrow Ətraflı
Bu gündən iyulun 22dək ictimai nəqliyyat işləməyəcək like
  • 18 İyl 00:17  
Digərləri Bu gündən iyulun 22dək ictimai nəqliyyat işləməyəcək

18 iyuldan 22 iyula qədər ictimai nəqliyyatda, həmçinin Bakı Metropoliteni

arrow Ətraflı
Günün qoroskopu: Tərəfdaşlarınızdan birinin xudpəsəndliyi sizi sinirləndirməsin like
  • 18 İyl 00:01  
Digərləri Günün qoroskopu: Tərəfdaşlarınızdan birinin xudpəsəndliyi sizi sinirləndirməsin

Milli.Az dünyanın nüfuzlu və məşhur ulduz falları portalları "Horoscope"

arrow Ətraflı
Bağışlanan zülm, bağışlanmayan zülm və keçilməyən zülm like
  • 17 İyl 23:55  
Digərləri Bağışlanan zülm, bağışlanmayan zülm və keçilməyən zülm

O zaman ki, bir cəmiyyətdə özümüz kimi insanlarla yaşayırıq, ətrafım

arrow Ətraflı
Bakıda 7 narkotacir saxlanıldı  FOTO like
  • 17 İyl 23:51  
Digərləri Bakıda 7 narkotacir saxlanıldı FOTO

Bakı şəhərində polis əməkdaşları tərəfindən narkotik vasitə və psi

arrow Ətraflı
“WiFi” şəbəkənizə mane ola biləcək 6 səbəb like
  • 17 İyl 23:50  
Digərləri “WiFi” şəbəkənizə mane ola biləcək 6 səbəb

Əgər qapalı şəraitdə, məsələn, evdə kabelsiz internet xidmətindən -

arrow Ətraflı