Son.az xezerxeber.az-a istinadən bildirir ki, Qobustan rayonu da Vətən müharibəsində şəhidlər verib. Belə şəhidlərdən biri də Sərxan Hacıyevdir.

O, Füzuli rayonu uğrunda gedən döyüşlərdə mənfur düşmənin atdığı top atəşi nəticəsində oktyabr ayının 6-da kürəyindən qəlpə yarası alaraq şəhidlik zirvəsinə ucalıb.

Sərxan Qobustan rayon qəbiristanlığında dəfn olunub. Şəhidin ötən gün doğum günündə məzarı ziyarət olunub. Ruhuna dualar oxunub.

Sərxan Hacıyev ölümündən sonra "Vətən uğrunda", "Füzulinin azad olunmasına görə" və "Cəsur döyüşçü" medalları ilə təltif edilib.