Son.az xəbər verir ki, bu barədə qubernatorun saytında dərc edilən bəyanatda deyilir.

Məlumata əsasən, fövqəladə vəziyyət rejiminin tətbiq edilməsi yerli hakimiyyət orqanlarına bəzi əlavə vəsaitləri əldə etməyə və təbii fəlakətin nəticələrinin aradan qaldırılmasında daha çox mənbədən istifadə etməyə imkan verir. Bu, xüsusilə ABŞ Milli Qvardiyasının xilasetmə və ya bərpa işlərinə cəlb olunmasını mümkün edir.

"Elza" tropik fırtınası bu həftənin əvvəlində Atlantik okeanında formalaşıb. Gələn həftənin əvvəllərində fırtınanın Florida sahillərinə yaxınlaşması gözlənilir.

Haiti və Dominikan Respublikasının cənub sahilləridə baş verən tropik "Elza" fırtınası Karib regionunda ən az 3 nəfərin ölümünə səbəb olub.

Fövqəladə Halların İdarəetməsi üzrə Karib Agentliyinin məlumatına əsasən, bir ölüm hadisəsi Sent-Lyusiyada qeydə alınıb. Dominikan Respublikasında 15 yaşlı yeniyetmə və 75 yaşlı qadın uçan divarlar altında qalaraq həlak olub.

Sinoptiklərin proqnozlarına görə, daha sonra "Elza" fırtınası Kubada, daha sonra Florida ştatında Amerika sahillərində olacaq.