Adını yanlış bildiyimiz Əməkdar artist haqda Faktlar FOTOlar


Kriminal 03 İyl 2021 09:30:00 72 0

Adını yanlış bildiyimiz Əməkdar artist haqda  Faktlar  FOTOlar

Bu gün Əməkdar artist Məhəbbət Kazımovun doğum günüdür.

Bu xəbəri də oxu: Səməd Səmədov vəfat etdi

Son.az kulis.az-a istinadən bu münasibətlə müğənni haqqında maraqlı faktları təqdim edir.

Möhübbət Allahverdi oğlu Kazımov 1953-cü il iyulun 2-də Laçın rayonunun Çorman kəndində anadan olub. Ailədə səkkiz bacı, dörd qardaş olublar. Atası Allahverdi kənd təsərrüfatı ilə məşğul olub. Anası Südabə isə evdar xanım imiş.

İlk təhsilini Şamkənd kənd orta məktəbində alıb. Musiqi təhsili alması üçün qohum-əqrəbanın təkidi ilə 1974-cü ildə Asəf Zeynallı adına musiqi texnikumuna qəbul olunur. İlk muğam dərslərini Nəriman Əliyevdən alıb. Sonra isə Ağaxan Abdullayevin sinfində oxuyur.

1976-cı ildən peşəkar səhnədə çıxış edirdi. "Dan Ulduzu" ansamblının solisti olub. Azərbaycanın bir çox konsert salonlarında öz tamaşaçılarına solo konsertlər verib. Bir çox xarici ölkələrdə -Türkiyədə, Rusiyada, İranda, Çexoslovakiyada və başqa ölkələrdə qastrol səfərlərində olub.

İlk dəfə diktor Roza Tağıyeva efirdən karıxaraq onun adını Məhəbbət kimi səsləndirib və o andan etibarən Məhəbbət Kazımov kimi tanınıb.

Bakı şəhərində yaşamağa başlayan müğənni 1990-cı ildə ailə həyatı qurub. Üç övlad atası olub.

Məhəbbət Kazımov əsasən Azərbaycan milli musiqisi janrında bir çox tanınmış mahnı və muğamlar oxuyub, mahnılar bəstələyib. Ən çox sevilən mahnılarından biri bəstəsi özünə aid olan "Laçınım" mahnısı olub.

Ailə üzvlərinin və dostlarının sözlərinə görə "Laçınım" mahnısını oxuyanda çox kövrəlirmiş. Hətta çox vaxt bu mahnını ifa edəndən sonra təzyiqi də qalxırmış. Bir dəfə adamlar "Laçınım" mahnısına toyda oynadıqları üçün Məhəbbət Kazımov mikrofonu masaya qoyub toydan çıxır. Sonralar ondan bunun səbəbini soruşanda deyir: "Bu mahnıya oynayıb, əl çalmayın."

Ölümündən 4 il qabaq həkim ona oxumağı qadağan edir. O qədər ürəkdən oxuyurmuş ki, daxili orqanları tab gətirmirmiş. Həyat yoldaşı isə onun haqqında belə deyib: "Məhəbbətə hər şeyi qadağan etmək olar, amma oxumağı yox."

Məhəbbət Kazımov müğənni və duet ortağı Könül Kərimova ilə oxuduğu mahnılar onlara böyük populyarlıq qazandırıb. Könül xanımın sənətə gəlişində Məhəbbət Kazımovun böyük dəstəyi olub. İlk dəfə Könülün səsini Ağcabədidə toyda eşidib və xoşuna gəlib. Uzun illər bir yerdə çalışsalar da sonralar Könül Kərimova solo ifaçılığa başlayır və onların dostluğu pozulur. Cabbar Musayevlə duetlərdən sonra mətbuat onların düşmən olduğunu yazır. Lakin Məhəbbət Kazımov bunu təkzib edib, sadəcə ondan incidiyini dilə gətirib.

Şair Zahir Abbas Məhəbbət Kazımovun ifa etdiyi "Laçınım" mahnısının yaranma tarixindən bəhs edib:

"Bir gün Məhəbbət müəllim gəldi ki, mənim bir dostum var, Fəxrəddin, yol polisi əməkdaşıdır. Onun bir şeiri var, "Laçınım", onu bir zümzümə edim, görün, necə alınır?" Oxudu, hamı təsirləndi. Peşəkar bir şeir deyildi, amma xalq dilində yazıldığından ürəyə yatımlı idi. Məhəbbət müəllim onu oxuyanda bütün sənətkarlar kövrəldi, hətta Arif Babayev də ağladı. Məhəbbət müəllim müğənni Könül Kərimova ilə birlikdə mahnını məşq etdi. Sonra "Laçınım"ı "Səbuhi" studiyasında yazdırdı. Amma mahnı hazır olub efirə çıxanda problemlə qarşılaşdıq. Məhəbbət müəllim ehtiyat edirdi. İşğal olunan rayonlar çox idi, onların heç birinin adına mahnı bəstələnməmişdi. İkinci bir tərəfdən isə mahnının musiqisində oynaqlıq vardı. Hamı deyirdi ki, Laçın dərdli yerimizdir. Belə bir mahnını tamaşaçı qarşısına necə çıxaraq? Azərbaycan cəmiyyəti bunu necə qarşılayacaq? Biz düşünürdük ki, "Laçınım" ağlamalı bir mahnı olacaq. Mart ayında əsgərlər qarşısında konsert vardı. Məhəbbət Kazımov həmin mahnını əsgərlər qarşısında oxudu. AzTV konserti dərhal efirə verdi. Bu mahnı efirə verilən gündən populyarlaşdı. Məhəbbət müəllimin bir ayın içində minlərlə kaseti satıldı."

Günlərin birində Osman Alıyev adlı bir nəfər Məhəbbət Kazımovla görüşür, ona mahnının sözlərinin əsl müəllifi olduğunu deyir. Uzun söhbətdən sonra Məhəbbət müəllim həmin adama inanır və sonrakı kaset buraxılışlarından musiqinin söz yazarı kimi həmin adamın adını qeyd edir.

Bu mahnı xalq, xüsusən laçınlılar arasında ona inanılmaz hörmət qazandırmışdı. Bu gün də Laçın camaatı müğənnini Məhəbbət Kazımovu inanılmaz məhəbbətlə sevirlər.

Ölməmişdən öncə hamını yığıb, deyir, mən ölümümlə tarix yazacam. Doğrudan da elə oldu. Onun yasına bütün xalq gəldi. "Laçınım" mahnısının sədaları altında dəfn olundu.

Ailəsinə və yaxınlarına son vəsiyyəti belə olur: "Laçın işğaldan azad olunsa, qəbrimi Laçına aparın, məni doğulduğum torpaqda dəfn edin."

Məhəbbət Kazımov mühafizəkar, doğulduğu yürin adət-ənənisnə uyğun yaşayan bir sənətçi idi. O, ailəsini mətbuatdan həmişə gizli saxladı, heç adi suallara da cavab vermədi. Soruşanlara isə "Şəxsi həyatım yalnız mənə aiddir" cavabını verirdi.

Məhəbbət Kazımov yazıçı Seyran Səxavətin "İlk məhəbbətim" şeirinə də musiqi bəstələyib. Seyran müəllim müsahibələrinin birində xatırlayır: "Məhəbbət Kazımovla həmişə görüşərdik, yeyib-içib dərdləşərdik. Qarabağdan, Laçından, Füzulidən və Ağdamdan söhbətlər edərdik. Bir gün Məhəbbət zəng vurub dedi ki, qardaş, filan yerə gəl, orada görüşək. Mən də dediyi yerə getdim və gördüm ki, burda o qədər adam var, iynə atsan, yerə düşməz. Dedim, doğum günündü? Məhəbbət dedi, xeyr, bir az gözlə görəcəksən. Gördük, "İlk məhəbbətim" şeirimə mahnı yazıb və klipin təqdimatıdır. Bu gün müğənnilərin böyük əksəriyyəti o mahnını oxuyur".

Sağlığında bir dəfə telekanalda yalan xəbər yayılır ki, Məhəbbət Kazımovun ömrünə üç ay qalıb. Bu xəbəri eşidən jurnalistlərdən biri ona zəng edir və müğənninin səsini eşidən kimi təəccüblənib deyir: "Bıyy, Məhəbbət müəllim, siz ölməmisiniz?" Müğənni isə deyir: "Siz mənim ölməyimi istəyirsiniz?"

Vladivostoka konsert verməyə gedəndə ordakı azərbaycanlılar onu 70-80 maşından ibarət avtomobil karvanı ilə qarşılayıb aparıblar.

Məşhurluğunun pik nöqtəsində Məhəbbət Kazımov şəkər və təzyiq xəstəliyindən əziyyət çəkir, yatağa düşür. Uzun müddətli müalicədən sonra İrana gedir. Həkimlər ona qrip xəstəliyindən qorunmağı tövsiyə edirlər. Lakin üç gün evdən çıxmayaraq qripdən qorunmağa çalışan müğənni xəstəliyə yoluxur və səhhəti ağırlaşır.

Öldüyü gün səhhəti qaydasında imiş, lakin gecə halı qəfildən pisləşir. Evi ilə təcili tibbi yardım mərkəzinin arası iki dəqiqəlik yol olsa da, həkimlər gələnə qədər o, dünyasını dəyişir. Xırdalan qəbiristanlığında dəfn olunur. Ölümü bütün yaxınları və sənət cameəsi üçün gözlənilməz olur.

Müğənninin uzun illər yaradıcısı və rəhbəri olduğu "Laçınım" musiqi ansamblı onun son gününə qədər fəaliyyət göstərib. Hazırda həmin ansambl fəaliyyətini dayandırmayıb. Ona rəhbərliyi hazırda müğənni Habil Laçınlı edir.

"Yayılan xəbərlər doğrudur  Eşq yaşadıqlarını etiraf etdi like
  • 03 İyl 09:25  
Şou-biznes "Yayılan xəbərlər doğrudur Eşq yaşadıqlarını etiraf etdi

"Yeşilçam" serialında rol alan aktrisa Selin Şekerci həmkarı İb

arrow Ətraflı
Amerikalı milyarder yeni pandemiya barədə proqnoz verdi like
  • 03 İyl 09:20  
Digərləri Amerikalı milyarder yeni pandemiya barədə proqnoz verdi

"Omaxalı orakul", sərmayəçi və "Berkshire Hathaway" şi

arrow Ətraflı
Hülya Avşardan dekolteli paylaşım  FOTO like
  • 03 İyl 09:15  
Şou-biznes Hülya Avşardan dekolteli paylaşım FOTO

Türkiyəli məşhur aktrisa və müğənni Hülya Avşarın son paylaşımı g

arrow Ətraflı
BMTnin Baş katibi Azərbaycandakı rezident əlaqələndiricisini təyin edib like
  • 03 İyl 09:05  
Siyasət BMTnin Baş katibi Azərbaycandakı rezident əlaqələndiricisini təyin edib

BMT-nin Baş katibi Antonio Quterreş Şimali Makedoniyadan olan Vladanka Andrey

arrow Ətraflı
Gün yanıqlarından necə xilas olmalı və onu necə müalicə etməli? like
  • 03 İyl 08:59  
Digərləri Gün yanıqlarından necə xilas olmalı və onu necə müalicə etməli?

Dərinin qızarması, qaşınması, yanğı hissi, qabıqvermə, baş ağrılar

arrow Ətraflı
Xəmirin içində toyuq resepti like
  • 03 İyl 08:57  
Digərləri Xəmirin içində toyuq resepti

Son.az "Ağababa Ağababa" youtube kanalına istinadən oxucularına n

arrow Ətraflı
Cinsi inkişafın ləngiməsi like
  • 03 İyl 08:55  
Digərləri Cinsi inkişafın ləngiməsi

Cinsi inkişafın ləngiməsi 3 müxtəlif səbəbdən ola bilir: * serebral *

arrow Ətraflı
Palma yağının faydaları və zərərləri like
  • 03 İyl 08:51  
Digərləri Palma yağının faydaları və zərərləri

Palma yağını Afrika palmasının meyvələrindən əldə edirlər. Afrika pal

arrow Ətraflı
MİQ üzrə imtahanların vaxtı və yeri dəyişdirildi like
  • 03 İyl 08:48  
Digərləri MİQ üzrə imtahanların vaxtı və yeri dəyişdirildi

Müəllimlərin işə qəbulu (MİQ) üzrə müsabiqədə faktiki yaşayış yer

arrow Ətraflı
Milium nədir? like
  • 03 İyl 08:46  
Digərləri Milium nədir?

Milium, hər yaşda bir insanda görünə biləcək ümumi dəri qüsurudur. Ad

arrow Ətraflı
Piridosksinin (vitamin B6) saçlara təsiri like
  • 03 İyl 08:41  
Digərləri Piridosksinin (vitamin B6) saçlara təsiri

Piridoksin tərkibli maskalar saçlara qidalandırıcı və müalicəvi təsir g

arrow Ətraflı
Ermənilər Oxçuçayı belə çirkləndirir  VİDEO like
  • 03 İyl 08:38  
Digərləri Ermənilər Oxçuçayı belə çirkləndirir VİDEO

İki ölkə arasında transsərhəd çay olan Oxçuçay, Ermənistan ərazisind

arrow Ətraflı
Follikulyar hiperkeratoz nədir? like
  • 03 İyl 08:35  
Digərləri Follikulyar hiperkeratoz nədir?

Follikulyar hiperkeratoz - dərinin stratum korneumunun həddindən artıq böy

arrow Ətraflı
Dərinin erkən yaşlanmasının səbəbləri like
  • 03 İyl 08:31  
Digərləri Dərinin erkən yaşlanmasının səbəbləri

Gəncliyimizin və gözəlliyinizin ömrün necə uzada bilərik?Dərimizin vaxt

arrow Ətraflı