Son.az Trend-ə istinadən bildirir ki, bunu "Azərbaycan Dəmir Yolları" QSC idarə heyəti sədrinin müşaviri Füzuli Quliyev "Dəmiryol nəqliyyatının və elektrovozların dartqı sisteminin elektrik təchizatının səmərəliliyinin artırılması" adlı tədbir zamanı deyib.

Onun sözlərinə görə, Azərbaycan Bakı-Tbilisi-Qars və Şimal-Cənub kimi nəqliyyat dəhlizləri vasitəsi ilə bir sıra istiqamətlərə, o cümlədən Gürcüstan, Türkiyə, Rusiya, Mərkəzi Asiya ölkələri və Çinə yük daşıya bilir.

O bildirib ki, 2010-cu ildən etibarən Azərbaycan dəmir yolları sürətlə inkişaf edir və bu, ilk növbədə onun elektrikləşdirilməsi ilə bağlıdır.

Müşavir əlavə edib ki, lokomotiv və vaqon parkının yenilənməsi üzrə işlər davam etdirilir:

"Azərbaycan Dəmir Yolları" və Fransanın "Alstom" şirkətinin həyata keçirdiyi işlər elektrik enerjisi istehlakının azaldılmasına və dəmiryol nəqliyyatının idarə olunmasının avtomatlaşdırılmasına xidmət edir".