Qarabağla bağlı hər şey məlumdur
Siyasət 21 İyn 2021 12:46:00 352 0
"Qarabağın NATO sammitində açıq şəkildə gündəmə gətirilməməsinin iki səbəbi ola bilər: Artıq münaqişə aktiv deyil və heç bir problem yoxdur. Yaxud yaxın gələcəkdə aktiv hərbi əməliyyatların baş vermə ehtimalı sıfıra bərabərdir və ya başqa bir şəkildə bu məsələ səssizcə müzakirə edilir. Lakin başqa beynəlxalq prioritetlər var və hər kəs gündəmlə bağlı gündəliyə qərar verməyin daha vacib olduğunu anlayır".
Bunu Son.az-a açıqlamasında amerikalı analitik İrina Tsukerman deyib.
O bildirib ki, Qarabağla bağlı müzakirə ediləcək bir məsələ qalmayıb:
"Prezident İlham Əliyev haqlı olaraq Azərbaycanın suveren əraziləri üzərində nəzarətinin bərpası ilə bağlı müvafiq hüquqi məsələlərin böyük ölçüdə həll olunduğunu qeyd edir. Beynəlxalq birliyin rolu baxımından Qarabağla bağlı müzakirə ediləcək bir məsələ qalmayıb.
Digər tərəfdən, Ermənistan və Rusiyanın korrupsiyalaşmış siyasi maraqları həyata keçirmək baxımından problemi tamamilə həll etmədikləri açıqdır, beləliklə üçtərəfli prosesin qorunması ilə bağlı siyasi suallar hələ də masada qalır. Bununla birlikdə, NATO bu narahatlıqların həllində birbaşa rol oynaya bilməz və bu məsələ ən yaxşı halda digər forumlarda müzakirə edilə bilər. Düşünürəm ki, bəzi NATO üzvləri hələ də bu məsələni müstəqil şəkildə qaldırmağa çalışacaqlar. Daha böyük konsensus olan NATO-da Azərbaycanın açıq şəkildə haqlı olduğu bir məsələni gündəmdə saxlamaq ancaq siyasi oyunun bir hissəsi ola bilərdi".
Təhməz Əsədov Son.az