Son.az xezerxeber.az-a istinadən bildirir ki, şəhidimiz uşaqlıqdan düşmənə nifrət hissi ilə böyüyüb.

Babası Vahid Allahverdiyev deyir ki, onu hərbi xidmətə özü yola salıb. Müharibə başlayanda Elvin belə deyib: "Baba, qisas vaxtı yetişdi".

O, hər telefon zəngində evlərinə qələbə xəbəri çatdırırdı. Qubadlı uğrunda gedən döyüşlərdə isə qəhrəmanlıqla şəhidlik zirvəsinə ucalıb.

Bu gün şəhidimizin adına Sumqayıt şəhər 18-ci mikrorayonda bulaq inşa olunub.

Qeyd edək ki, 20 yaşlı Şəhid Elvin Novruzov Sumqayıt şəhər Şəhidlər xiyabanında dəfn olunub.