Kiçik Qızılağac körfəzi sintetik torlardan təmizlənib FOTO


Digərləri 26 Apr 2021 17:54:00 161 0

Kiçik Qızılağac körfəzi sintetik torlardan təmizlənib  FOTO

Ekologiya və Təbii Sərvətlər Nazirliyinin Dövlət Ekoloji Təhlükəsizlik Xidməti və Daxili İşlər Nazirliyinin Su Nəqliyyatında Polis İdarəsinin birgə təşkilatçılığı ilə keçirilən "Təmiz hövzələr" aksiyası çərçivəsində növbəti tədbir Kiçik Qızılağac körfəzində keçirilib.

Nazirliyin Ekoloji maarifləndirmə və ictimaiyyətlə əlaqələr şöbəsinin müdiri Səyyarə Məmmədova Son.az-a bildirib ki, Dövlət Ekoloji Təhlükəsizlik Xidmətinin, Su Nəqliyyatında Polis İdarəsinin, Azərbaycan Həvəskar Balıqçılar İttifaqının əməkdaşlarının və ekokönüllülərin iştirak etdiyi aksiyada körfəzin 13 kilometrdən artıq sahəsi sintetik torlardan, plastik tullantılardan təmizlənib və tullantılar təkrar emal üçün AzEkol şirkətinə təhvil verilib.

Aksiyanın keçirilməsində məqsəd sivil balıq ovunu təşviq etmək, geniş ictimaiyyətin dəstəyi ilə balıq ehtiyatlarının mühafizəsi, qorunması işini möhkəmləndirmək və onların artırılmasına nail olmaqdır.