Son.az xəbər verir ki, bunu Moderator.az-a açıqlamasında bir müddət əvvəl koronovirusa yoluxaraq xəstəxanaya yerləşdirilən Xalq artisti, Akademik Milli Dram Teatrının aktrisası Bəsti Cəfərova deyib. Aktrisa daha sonra əlavə edib.

"Biz aktyorlar hər zaman işdə-gücdə olmuşuq. İndi birdən-birə evə qapanmışıq, bu bir az bizim üçün çətindir. Amma digər tərəfdən düşünəndə, xəstəxanada  həkimlərin fədakarlıq göstərdiyini görəndə fikirləşdim ki, əvvəl sağlamlıqdır, daha sonra sənət və digər şeylər. İndi vaksinasiya prossesi də sürətlə aparılır. Deyirlər ki, sentyabr ayında hər şey yaxşı olacaq, həyat öz axarına qayıdacaq. Bizim də istəyimiz budur. Biz sənətçilər də tamaşaçılarımız üçün darıxmışıq. Mən pandemiyada da pedaqoji fəaliyyətimi davam etdirirəm, kursumla onlayn tamaşalar hazırlayıram. Bir əsər götürmüşdük, onun məşqini etdik, artıq o mərhələdəyik ki, həmin əsəri yekunlaşdırırıq" deyə Bəsti Cəfərova bildirib.   Xalq artisti daha sonra İctimai TV-də aparıcı çalışan qızı Fidan Cəfərovadan da danışıb. "Fidan Mədəniyyət və İncəsənət Universitetinin televiziya və kinorejissorluğu fakültəsini bitirib. O ixtisasca rejissordur. İsrafil İsrafilov Akademik Milli Dram Teatrında direktor olduğu illərdə, yəni 2014-1015 ci illərdə studiya açmışdı. Universitetimizin tələbələri də bu studiyada iştirak edirdilər. İsrafil müəllim özü məsləhət gördü ki, Fidan bu studiyada çalışsın. Dedim axı o aktrisa deyil! Studiyada hazırlanan bir neçə tamaşada həm rejissor, həm də aktrisa kimi iştirak etdi. Rejissor Mərahim Fərzəlibəyov 2018-ci ildə "Qətibə İnanc" tamaşasını hazırlayanda təklif etdi ki, Qətibə İnancın cavan vaxtını Fidan oynasın. Daha sonra qızım televiziyaya rejissor kimi getdi. Ona aparıcılıq təklifi gəldi və Fidan da qəbul etdi. 3 ilə yaxındır ki, "Yeraltı" verilişinin aparıcısıdır. Qızım gözünü açandan görür ki, anası həm teatrda, həm də universitetdə işləyir, bir dəqiqə boş vaxtı yoxdur. Mənim qızıma da bu keçib, işləməyi sevir, işindən zövq alır. Çalışır ki, imza atdığı verilişləri adına layiq etsin" deyə aktrisa bildirib.