Son.az demokrat.az-a istinadən xəbər verir ki, bunu Xalq artisti, teatr və kino aktyoru Kazım Abdullayev deyib. "Daha sonra koronavirus yayıldı, daha bir il yarım səhnədən kənarda qaldım. Ona görə də özümü çox pis hiss edirəm. Səhnə, tamaşaçı üçün darıxıram. Koronavirusa yoluxmağım səhhətimə lap pis təsir etdi. Ondan əvvəl açıq ürək əməliyyatı keçirmişdim, damarlarımın 80 faizi tutulmuşdu. Dörd damar dəyişdirildi. COVID-19 həmin dəyişilmiş damarların hamısını zədələdi. İndi ona görə yenidən müalicə alıram. Övladlarımız üçün yaşayırıq, bizim də varımız-dövlətimiz onlardır. Allah bizə can sağlığı versin ki, uşaqları bir yana çıxara bilək. Doğrudur, övladlarım böyükdürlər, öz ailələri var. Hər halda ata kimi yanlarında olmalıyam" - K.Abdullayev qeyd edib.