"AstraZeneca" peyvəndi ilə bağlı araşdırmada irəliləyiş var EMA
Dünya 17 Mar 2021 07:22:00 136 0
Avropa Dərman Agentliyinin (EMA) profil komitəsi "AstraZeneca" şirkətinin istehsal etdiyi peyvəndlə vaksinasiyadan sonra qan laxtalanması faktlarının ətraflı qiymətləndirilməsində irəliləyiş əldə edib.
Son.az Trend-ə istinadən bildirir ki, bu barədə EMA-nın bəyanatında deyilir.
Bəyanatda bildirilir: "Farmakonəzarət risklərinin dəyərləndirilməsi üzrə Komitə irəliləyiş əldə edib. Araşdırmanın davam etməsinə baxmayaraq, EMA hazırda "AstraZeneca" peyvəndinin COVID-19-un qarşısının alınmasında faydalarının potensial yan təsirlərin risklərindən üstün olduğu qənaətindədir.
Qiymətləndirmə zamanı Komitə peyvənddən sonra qeydə alınan bütün tromboembolik fəsadlar üzrə bütün mövcud məlumatları nəzərdən keçirir. Milli tənzimləyicilər çatışmayan və natamam məlumatların toplanılması üçün əlavə dəstək göstərirlər".
Mənbə: milli.az