Son.az qafqazinfo-ya istinadən xəbər verir ki, şəhidin adı onun yeganə yadigarı olan övladına verilib.

Bu gün doğum evindən evə yola salınan şəhidin ailəsini xəstəxana qarşısında rayon rəhbərliyi və "Yaşat" Fondunun əməkdaşları qarşılayıblar.

Qeyd edək ki, Musayev Ramil Aydın oğlu 1991-ci ildə İsmayıllı rayonunun Aşağıbaş kəndində anadan olub. O, Vətən Müharibəsində Xüsusi Təyinatlı Dəstənin giziri olaraq döyüş tapşırıqlarını yerinə yetirib, 3 oktyabr 2020-ci ildə Cəbrayıl rayonunun azad olunması istiqamətində gedən döyüşlərdə qəhrəmancasına şəhid olub.