ARB TV-nin "Onun Sirri" verilişinin növbəti qonağı rəqqasə Oksana Rəsulova olub. Son.az xəbər verir ki, rəqqasə bir zaman evli olduğu reper Elşad Xoseyə görə illərlə depressiya keçirdiyini etiraf edib: "Yetəri qədər əziyyət çəkmişəm. Elə bir həddə çatdım ki, artıq əziyyətlərimin puç olduğunu anladım. Başa düşdüm ki, artıq heçnə edə bilmərəm. Elşadla fərqli insanlarıq. Fərqli yol gedirik. O yolları özümüz məcburi kəsişdirmişik. Elə bilmişik ki, bir-birimizi sevirik. İndi başa düşürəm ki, heç kimi sevməmişəm. Hal-hazırki sevgim başqa istiqamətdədir. Onunla ayrıldıqdan sonra 2 il yarım depressiya keçirdim, tamamilə məhv olmuşdum. Psixoloq yanına getdim. Mən 16 il idi ki, övlad sahibi ola bilmirdim. Psixoloq mənə dedi ki, sən övlad sahibi olmaq istəyirsən deyə bütün hisslərini o insana yönəltmisən. Ailə qursan, övladın olsa o hisslərin bitəcək. İndiki Oksana tam başqa hisslər keçirir. Elşadın doğum günü 25 sentyabrdadır. 7 il ərzində 24 sentyabrdan artıq hazırlıq görürdüm ki, ilk təbriki mən edim. Lakin son 4 ildir artıq o tarixi tamam unutmuşam. O insan tamamilə beynimdən,qəlbimdən, ruhumdan çıxıb. Son 4 ildə başqa insan olmuşam. Ana olmuşam".