Tonlarla soğan anbarlarda çürüyür


Digərləri 26 Fev 2021 12:39:00 146 0

Tonlarla soğan anbarlarda çürüyür

Şəmkirli fermerlər bu il əkdikləri soğanı sata bilməməkdən gileylənirlər. 6 aya yaxındır ki, yığılmış min tondan artıq məhsul artıq xarab olmaq üzrədir. Fermerlər əziyyətlə becərdikləri məhsulun satışı üçün çıxış yolu axtarırlar.

Son.az xezerxeber.az-a istinadən bildirir ki, əkib becərdilər, aylarla qulluq etdilər, ancaq sahələrdən yığdıqları tonlarla məhsulu bazara çıxarmaqda çətinlik çəkirlər. Şəmkirin Yeni Həyat kəndindən olan fermerlər bu il becərdikləri soğanı payızdan bəri sata bilmirlər.

Həm anbarda, həm də həyətlərdə yüzlərlə ton məhsul qalıb. Təsərrüfat sahiblərinin satışa dair ümidləri isə gün keçdikcə daha da azalır.

Müvəqqəti çıxış yolu kimi evlərdə yığılmış məhsul arabir seçilərək təmizlənir. Ancaq bu da vəziyyətdən çıxış üçün yetərli deyil. Fermerlər deyirlər ki, bu cür vəziyyətin yaranmasına xaricdən böyük miqdarda soğan idxal edilməsi səbəb olub.  

Hazırda yerində soğanın bir kiloqramının qiyməti 30-40 qəpiyə qədər düşsə də, məhsula alıcı tapmaq olmur.