Azərbaycan ilk dəfə Xocalı faciəsini qalib ölkə kimi anır


Siyasət 26 Fev 2021 10:57:00 113 0

Azərbaycan ilk dəfə Xocalı faciəsini qalib ölkə kimi anır

Bu gün fevralın 26-da Azərbaycan tarixində xüsusi anım günü, Xocalı soyqırımının 29-cu ildönümüdür.

Son.az Trend-ə istinadən bildirir ki, bunu ADA Universitetinin rektoru Hafiz Paşayev faciənin ildönümünə həsr olunmuş tədbir zamanı deyib.

Onun sözlərinə görə, həmin gün yüzlərlə dinc sakin, o cümlədən qadın və uşaqlar erməni vandalizminin qurbanı olub.

Gənclərin bu günü unutmamasının əhəmiyyətini vurğulayan rektor qeyd edib ki, bu il Azərbaycan ilk dəfə həmin faciəni öz torpaqlarını erməni işğalından azad etmiş qalib ölkə kimi anır.