“LG Gram 360” noutbuku 16 və 14 düym ekranlı versiyalarda hazırlanıb


Digərləri 25 Fev 2021 22:45:00 142 0

“LG Gram 360” noutbuku 16 və 14 düym ekranlı versiyalarda hazırlanıb

"LG Electronics" şirkəti nazik və yüngül "Gram" portativ kompüterlər seriyasını genişləndirərək "Intel Tiger Lake" aparat platforması üzərində qurulan "Gram 360" modelini təqdim edib.

Son.az ictnews.az-a istinadən bildirir ki, seriyaya 16 və 14 düym ekranlı modellər daxildir. Ekranlı qapağı 360 dərəcə döndərərək noutbuku planşet iş rejiminə keçirmək mümkündür. Hazırda yalnız böyük versiyanın təsvir ölçüsü açıqlanıb - "WQXGA" (2560 × 1600 piksel). Həmçinin "DCI-P3" rəng məkanı 100 faiz əhatə olunub.

Transformerlər (şəklini dəyişən) "Intel EVO" sertifikasiyasına malikdir: "Iris Xe" qrafik sürətləndiricisinə malik on birinci nəsil "Core" prosessorundan istifadə olunub. Operativ yaddaş tutumu 8 giqabayt, quraşdırılmış yaddaş 256 giqabayt təşkil edir.

Kompüterlər alüminium və maqnezium ərintisindən hazırlanmış möhkəm korpusa malikdir. Çəkisi 1480 qram təşkil edən böyük versiya enerjini 80 vatt-saat tutumlu akkumulyatordan alır.