"Həm sənətkarı, həm dostumu itirdim"
Şou-biznes 23 Fev 2021 15:53:00 132 0
İncəsənətimizə ağır itkidir. Sənətkarımızı son mənzilə yola salırıq. Nəğmələri ilə qəlblərdə yaşayacaq. Onun səsinin sehri itməz. Onun ifaları ilə böyümüşük. Ən gözəli isə "Dədə Qorqud" filmindəki ifasıdır.
Bu sözləri axşam.az-a açıqlamsında Xalq artisti Gülyanaq Məmmədova deyib. Xalq artisti Yalçın Rzazadə ilə evində keçirilən vida mərasiminə qatılan müğənni onunla bağlı xatirələrini bölüşüb:
"Hamımız bir gün bu dünyadan gedəcəyik. Amma sənətkar ölmür, qəlbdə yaşayır. Hər zaman əlaqəmiz olub, o qədər səmimi, sadə insan idi ki... Müəllim kimi bir yerdə çalışırdıq. Biz onu efirdən görəndə həsəd aparırdıq. Yalçın Rzazadənin ifalarını unutmaq olmaz. Bu gün mənə əziz olan bir insanı - həm sənətkarı, həm dostumu itirdim.
Xəstə olanda halını soruşurdum, özünə demişdim ki, Türkiyədən gələndə özüm qarşılayacam. Amma utanırdı, demədi. Deyirdi, sağalım gələcəm sizi görməyə".
Mənbə: milli.az