Azərbaycan məhsulları Dubayda "Gulfood 2021" sərgisində nümayiş etidirilir
Digərləri 22 Fev 2021 21:25:00 136 0
Birləşmiş Ərəb Əmirliklərinin Dubay şəhərində "Gulfood 2021" beynəlxalq ərzaq sərgisi başlayıb.
Trend bu Barədə İqtisadiyyat Nazirliyinə istinadən məlumat verir.
Qeyd olunur ki, sərgidə "Made in Azerbaijan" brendi ilə Azərbaycan məhsulları nümayiş etdirilir:
"Sərgidə İqtisadiyyat Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə 15 Azərbaycan şirkətinin pomidor, fındıq, balıq kürüsü, mineral sular, meyvə şirələri, limonad, qənnadı və un məmulatları, çay, mürəbbə və digər məhsulları "Made in Azerbaijan" vahid ölkə stendində nümayiş etdirilir".
Sərgi fevralın 25-dək davam edəcək.
Mənbə: milli.az