Mərkəzi parkın ikinci hissəsi salınır
Digərləri 22 Fev 2021 15:26:00 112 0
Bakı şəhərinin Baş Planına uyğun olaraq 2014-cü ildən dövlət əhəmiyyətli yolların və digər kommunikasiya xəttlərinin çəkilməsi ilə əlaqədar Sovetski məhəlləsində yaşayan əhalinin köçürülməsinə və köhnə evlərin sökülməsindən sonra bu ərazidə Bakının Mərzi parkı kimi tanınan istrahət güşəsi salındı.
Sözgedən park Nəriman Nərimanov, Badullah Şaiq, Süleyman Rüstəmov və Mirzəağa Əliyev küçələrini əhatə edir. Parkın birinci hissəsi 22 may 2019-cu il tarixində ictimaiyyətin istifadəsinə verildi.
Son.az Trend-ə istinadən bildirir ki, hazırda Mərkəzi parkın artıq ikinci hissəsinin salınmasına başlanılıb. Parkın yeni hissəsi Mirzəağa Əliyev və Bəşir Səfəroğlu küçələrinin arasında yerləşir. Burada insanların hərkəti üçün müəyyən zolaqlar salınıb, vətəndaşların qalxıb enməsi üçün pilləkənlər quraşdırılıb və bir neçə ağac əkilib.
Parkın bu hissəsinin meşə tipli olacağı bildirilir.
Mənbə: milli.az