Ötən il 10 mindən çox taksi sürücüsünə icazə verilib

Digərləri 18 Yan 2021 16:53:00 116 0

Azərbaycanda ötən il ərzində xüsusi karantin rejimi dövründə fəaliyyətinə icazə verilən 10 232 nəfər taksi ilə sərnişindaşıma və 9 086 nəfər yükdaşıma xidməti göstərən sürücü barədə məlumatlar "icaze.e-gov.az" portalına yerləşdirilib.

Dövlət Avtomobil Nəqliyyatı Xidmətindən Son.az-a verilən məlumata görə, bu barədə Xidmətin 2020-ci il üzrə avtomobil nəqliyyatı ilə daşımalara dair görülən işlərin hesabatında bildirilir.

Qeyd olunur ki, il ərzində verilən 104 828 ədəd fərqlənmə nişanı üzrə 1 815 440 manat məbləğində vergi ödənilib. Bunlardan, 13 078 ədəd şəhərdaxili, 4 683 ədəd şəhərlərarası, 16 426 ədəd taksi, 63 656 ədəd yükdaşıma, 2 652 ədəd sifarişlə və 4333 ədəd xüsusi fərqlənmə nişanı təqdim edilib.