Vüqar Səfərli həbs edildi


Siyasət 14 Yan 2021 15:18:00 51 0

Vüqar Səfərli həbs edildi

Ölkəmizdə həyata keçirilən dövlət siyasətinə uyğun olaraq demokratik cəmiyyətin əsas atributlarından olan kütləvi informasiya vasitələrinin inkişafı da daim diqqət mərkəzində saxlanılır.

Bununla yanaşı, bu mühüm sahə üzrə dövlətin dəstək siyasətinə öz qanunsuz əməlləri ilə kölgə salan vəzifəli şəxslərin aşkar olunaraq məsuliyyətə cəlb olunması istiqamətində prokurorluq orqanlarının məqsədyönlü və ardıcıl tədbirləri davam etdirilir.

Belə tədbirlərdən biri kimi, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fonduna (KİVDF) dövlət büdcəsindən ayrılan vəsaitlərin xərclənməsi zamanı aşkar edilmiş qanun pozuntuları ilə əlaqədar Hesablama Palatasından daxil olmuş materiallar üzrə Baş prokuror yanında Korrupsiyaya qarşı Mübarizə Baş İdarəsində Azərbaycan Respublikası Cinayət Məcəlləsinin müvafiq maddələri ilə cinayət işi başlanıb.

Baş Prokurorluğun Mətbuat xidmətindən Son.az-a bildirilib ki, aparılmış istintaqla Kütləvi İnformasiya Vasitələrinin İnkişafına Dövlət Dəstəyi Fondunun sərəncamında olan əmlakın həmin qurumun İcraçı direktoru və əməkdaşlarının digər şəxslərlə əlbir olmaqla şəxsi maraqlarına uyğun istifadə etmələrinə, fəaliyyətin ayrı-ayrı istiqamətləri üzrə proqramların və vəzifələrin icra edilməsi adı ilə rəsmi sənədlərə yalan məlumatlar daxil edilərək xüsusilə külli miqdarda ziyan vurulmaqla mənimsəmələrinə, cinayət yolu ilə əldə edilmiş pul vəsaitlərinin leqallaşdırılmasına və digər qanunsuz əməllər törətmələrinə əsaslı şübhələr müəyyən edilmişdir.

Belə ki, aparılmış istintaqla müəyyən edilmişdir ki, Fondun icraçı direktoru Səfərli Vüqar Müzəffər oğlu, "Portos" MMC-nin direktoru Məmmədov Nadir Məhərrəm oğlu və qeyriləri ilə qabaqcadan əlbir olaraq mətbuat işçilərinin mənzil-məişət şəraitinin yaxşılaşdırılması və yaşayış evlərinin tikintisi ilə bağlı 2013-2019-cu illər ərzində dövlət tərəfindən KİVDF-yə ayrılmış vəsaiti layihə və smeta sənədlərində iş həcmini əsassız şişirdib, işlərin və materialların dəyərini müəyyən edilmiş qiymətlərdən artıq göstərilməklə "Portos" MMC-nin bank hesablarına köçürmüş, bununla da, mətbuat işçiləri üçün Bakı şəhəri, Səbail rayonu, 20-ci sahə, Bibiheybət qəsəbəsi ərazisində yaşayış binalarının tikintisi üzrə ayrılmış xüsusilə külli miqdarda pul vəsaitini mənimsəmiş, qeyd edilən cinayət əməllərinin aşkar olunmasının qarşısını almaq məqsədilə əlbir olduğu şəxslərlə birlikdə yerinə yetirilmiş işlərin qəbulu haqqında "Forma 2" aktlarında ayrılmış vəsaitlərin tam həcmdə binanın tikintisinə sərf edilməsinə dair yalan məlumatlar daxil edib şəxsən təsdiq etməklə vəzifə saxtakarlığı da törətmişdir.

Bundan başqa, Vüqar Səfərli digər şəxslərlə qabaqcadan əlbir olaraq qurumun fəaliyyətinin təşkili üçün inzibati bina üzrə münasib yerin ayrılması və ya qeyri-yaşayış sahəsinin aşağı qiymətlərlə icarəyə verilməsi üçün Nazirlər Kabinetinin qərarları ilə müəyyən edilən qanuni prosedurlara qəsdən əməl etmədən, həmin Fondun maliyyələşməsinin həyata keçirildiyi dövlət büdcəsindən ayrılmış vəsait üzrə icarə xərclərinin özünün əvvəllər sədri olduğu, sonradan isə özünə yaxın şəxslərin fəaliyyətlərinə faktiki nəzarəti həyata keçirməkdə davam etdiyi şirkətlərə, habelə yaxın münasibətdə olduğu digər şəxslərə gəlir qismində verilməsinə nail olmaqdan ötrü həmin şəxslərin xüsusi mülkiyyətində olan Bakı şəhəri, Yasamal rayonu, Mətbuat prospekti, 23L ünvanında yerləşən müəssisə binasının 3-cü mərtəbəsinin Fondun inzibati istifadəsinə verilməsi məqsədilə maddi baxımdan Fond üçün daha ağır şərtlərlə icarəyə götürülməsinə dair müqavilələr bağlamış, 2011-2019-cu illər ərzində cəmi 812 min manat məbləğində pul vəsaitini icarə haqqı adı ilə köçürməklə dövlət büdcəsinə külli miqdarda ziyan vurmuşdur.

Həmçinin, Vüqar Səfərli digər şəxslərlə qabaqcadan əlbir olaraq nəşr olunan qəzetlərə maliyyə yardımının göstərilməsi məqsədi ilə dövlət tərəfindən ayrılmış vəsaitin 2015-2019-cu illər ərzində 300 min manat məbləğində olan hissəsini ailə üzvünün adına təsis etdiyi "Futbol+Qol" qəzetinə qanunsuz olaraq köçürməklə həmin pulu, eləcə də qurumun məqsədlərinin həyata keçirilməsi üçün alınmış 103 min manat dəyərində dəftərxana ləvazimatlarını da mənimsəmiş, eyni zamanda 2017-2019-cu illər ərzində ziyafətlərin keçirilməsi ilə bağlı satınalma müqavilələrinin bağlanması zamanı qanunsuzluqlara yol verməklə KİVDF-yə məxsus olmaqla ona etibar edilmiş cəmi 105 min manat məbləğində pul vəsaitini israf etmişdir.

Bundan əlavə, Vüqar Səfərli qeyriləri ilə qabaqcadan əlbir olaraq qeyd edilən mənimsəmə və vəzifə saxtakarlığı cinayətləri üzrə əldə etdiyi xüsusilə külli miqdarda pul vəsaitini kommersiya bankında olan milli və xarici valyutadakı depozit hesablarına 2015-2018-ci illər ərzində cəmi 5 milyon 796 min manatı yerləşdirməklə cinayət yolu ilə əldə edilmiş həmin pul vəsaitlərini külli miqdarda leqallaşdırmışdır.

İş üzrə toplanmış ilkin sübutlar əsasında Səfərli Vüqar Müzəffər oğlu Azərbaycan Respublikası Cinayət Məcəlləsinin müvafiq olaraq 179.4 (xüsusilə külli miqdarda ziyan vurmaqla mənimsəmə və israf etmə), 193-1.3.2 (cinayət yolu ilə əldə edilmiş külli miqdarda pul vəsaitlərini leqallaşdırma), 308.2 (ağır nəticələrə səbəb olan mühüm zərər vurulmaqla vəzifə səlahiyyətlərindən sui-istifadə etmə), 308-2.4 (satınalma prosedurları keçirilmədən külli miqdarda ziyan vurmaqla dövlət vəsaitlərini xərcləmə) və 313 (vəzifə saxtakarlığı), Məmmədov Nadir Məhərrəm oğlu isə Cinayət Məcəlləsinin 179.4, 308.2 və 313-cü maddələrinə əsasən təqsirləndirilən şəxs qismində cəlb edilərək barələrində məhkəmənin qərarı ilə həbs qətimkan tədbiri seçilmişdir.

Hazırda cinayət işi üzrə qeyd edilən korrupsiya şəbəkəsində iştirak etmiş digər şəxslərin müəyyən edilərək məsuliyyətə cəlb edilmələri və dövlətə vurulan ziyanın bərpa olunması istiqamətində zəruri istintaq-əməliyyat tədbirləri davam etdirilir.

İyunun 30dək TANAPla tədarük olunan qazın həcmi 12 milyard klubmetrə çatacaq like
  • 14 Yan 15:16  
Digərləri İyunun 30dək TANAPla tədarük olunan qazın həcmi 12 milyard klubmetrə çatacaq

2021-ci il iyunun 30-dək TANAP-la tədarük olunan qazın həcmi 12 milyard klu

arrow Ətraflı
Ceyhun Bayramov Pakistanın Prezidenti ilə görüşüb like
  • 14 Yan 15:14  
Siyasət Ceyhun Bayramov Pakistanın Prezidenti ilə görüşüb

Pakistana rəsmi səfəri çərçivəsində 14 yanvar 2021-ci il tarixində xari

arrow Ətraflı
İnsanlar peyvəndləndikdən sonra da özlərini qorumalıdırmı? like
  • 14 Yan 15:13  
Digərləri İnsanlar peyvəndləndikdən sonra da özlərini qorumalıdırmı?

Cəmiyyətin vaksinasiyanın tətbiqinə başlanacağı günü səbrsizliklə g

arrow Ətraflı
Bu tarixdən SMS icazə ləğv edilə, like
  • 14 Yan 15:11  
Digərləri Bu tarixdən SMS icazə ləğv edilə,

Nazirlər Kabineti yanında Operativ Qərargah bütün parametrləri qiymətlən

arrow Ətraflı
Keniyada koronavirusun 16 yeni forması aşkar edilib like
  • 14 Yan 15:10  
Dünya Keniyada koronavirusun 16 yeni forması aşkar edilib

Keniyanın cənub-şərqində koronavirusun 16 yeni ştammı aşkar edilib.

arrow Ətraflı
Ötən il Müdafiə Nazirliyinin “Qaynar xətt”inə 15 mindən artıq müraciət daxil olub like
  • 14 Yan 15:03  
Digərləri Ötən il Müdafiə Nazirliyinin “Qaynar xətt”inə 15 mindən artıq müraciət daxil olub

Daxil olan müraciətlərin qəbul edilməsi, vətəndaşlar ilə birbaşa ünsi

arrow Ətraflı
Təcili yardımla uşaqların hospitalizasiyasında artım olub like
  • 14 Yan 14:57  
Digərləri Təcili yardımla uşaqların hospitalizasiyasında artım olub

2020-ci il ərzində Bakı şəhəri Təcili və Təxirəsalınmaz Tibbi Yardım

arrow Ətraflı
TANAPla Türkiyəyə indiyə qədər 8.4 mlrd. kubmetr qaz göndərilib like
  • 14 Yan 14:53  
Digərləri TANAPla Türkiyəyə indiyə qədər 8.4 mlrd. kubmetr qaz göndərilib

Bu günə qədər TANAP vasitəsilə Türkiyəyə indiyə qədər 8.4 mlrd. kubm

arrow Ətraflı
Türkiyədə 6 PKK üzvü həbs olundu like
  • 14 Yan 14:52  
Dünya Türkiyədə 6 PKK üzvü həbs olundu

Türkiyənin Diyarbakir şəhərində keçirilən əməliyyatla 6 PKK terrorçus

arrow Ətraflı
188 müəllimnəzarətçi bazadan xaric edilib like
  • 14 Yan 14:50  
Digərləri 188 müəllimnəzarətçi bazadan xaric edilib

Nümunəvi fəaliyyətinə görə təşəkkür elan edilən nəzarətçilərlə

arrow Ətraflı
Müharibədə 4 nəzarətçimüəllim şəhid olub like
  • 14 Yan 14:49  
Digərləri Müharibədə 4 nəzarətçimüəllim şəhid olub

Bu il 38 nəfər nəzarətçi-müəllim Dövlət İmtahan Mərkəzi tərəfində

arrow Ətraflı
“İnstagram”da narkotik qəbulunu təbliğ edən şəxslər saxlanıldılar like
  • 14 Yan 14:48  
Kriminal “İnstagram”da narkotik qəbulunu təbliğ edən şəxslər saxlanıldılar

Sosial şəbəkələrdə profil yaradaraq narkotik vasitələrin qəbulunu təbl

arrow Ətraflı
3 şəhid anasına Azərbaycan vətəndaşlığı verildi like
  • 14 Yan 14:46  
Digərləri 3 şəhid anasına Azərbaycan vətəndaşlığı verildi

2020-ci ildə Azərbaycan vətəndaşlığı verilən şəxslərin sayı məlum

arrow Ətraflı
Fəhlə hündürlükdən yıxıldı like
  • 14 Yan 14:41  
Digərləri Fəhlə hündürlükdən yıxıldı

Yanvarın 13-də saat 11 radələrində Göyçay rayon sakini, 1973-cü il təv

arrow Ətraflı