Etibarın əbədiyyət ünvanı FOTO


Digərləri 13 Yan 2021 23:10:00 57 0

Etibarın əbədiyyət ünvanı  FOTO

Nə Qarabağı, nə də Laçını görmüşdü, çünki o dünyaya gələndə nə Qarabağ var idi, nə də Laçın...

Əslən Laçın rayonunun Şeylanlı kəndindən olsa da, Ağcabədi rayonunun Aran kəndində doğulmuşdu, doğma rayonun işğalından sonra valideynləri bu kənddə məskunlaşmışdılar. Etibar 1998-cı il noyabrın 14-də ilk dəfə dünyaya salam vermişdi.

Uşaq vaxtından idmana böyük maraq göstərib, karate və kikboksinqlə məşğul olub, bir sıra uğurlar qazanıb.

Son.az AZƏRTAC-a istinadən bildirir ki, o, orta məktəbi bitirəndən sonra 2017-ci ildə müddətli hərbi xidmətə yollanıb. Xidmət zamanı Xüsusi Təyinatlı Kəşfiyyat bölmələrində təlimlər keçib, ön xətdə göstərdiyi xidmətlərinə görə fəxri fərmanla təltif edilib. 2018-ci il iyulun 2-də ordu sıralarından tərxis olunub. Etibar Nəcəfov istər hərbi xidmət zamanı, eyni zamanda, mülki həyatda nizam-intizamı ilə seçilərək ətrafındakıların böyük hörmət və rəğbətini qazanıb. Daha çox cəsarətli, mərdliyi və qorxmazlığı ilə onu tanıyanların yaddaşında qalıb.

Ötən il sentyabrın 27-də Azərbaycan Milli Ordusunun düşmən təxribatına qarşı başladığı əks-həmlə əməliyyatlarından sonra könüllü olaraq Səfərbərlik və Hərbi Xidmətə Çağırış üzrə Dövlət Xidmətinin Laçın rayon bölməsinə müraciət edib. Oktyabrın 1-dən torpaqlarımızın azadlığı uğrunda qızğın döyüşlərin getdiyi bir vaxtda silaha sarılıb. 44 gün davam edən Vətən müharibəsində əsgər yoldaşları hər döyüşdə onun göstərdiyi igidlik nümunəsinin canlı şahidi olublar. Etibar komandirlərin verdiyi tapşırıqlarını heç nədən çəkinmədən, qorxmadan axıradək yerinə yetirir və döyüşdə uğurlu mövqe seçərək düşmənə ağır zərbələr endirirdi. İşğal altında olan qəsəbə və kəndlər azad edildikcə ruhlanır, döyüşdən-döyüşə can atır, Laçına doğru tələsirdi...

Döyüş yoldaşları onun cəsarət və mərdliyindən ürək dolusu danışırlar. Məhz bu keyfiyyətləri sayəsində Cəbrayıl, Füzuli, Zəngilan və Qubadlı uğrunda döyüşlərdə qəhrəmanlıqla vuruşub, hünər göstərib.

Etibar sonuncu dəfə atası Mehman Nəcəfovla telefonla danışıb. Atasının suallarına üstüörtülü şəkildə cavab verib və irəli getdiklərini deyib: "İnşallah, qayıdanda danışaram, heç bir narahatlığa əsas yoxdur, hər şey qaydasındadır"... Atasından bir xahiş də edib: "Anama de ki, narahat olmasın"...

Bu, onun son cümləsi olub...

Etibar Nəcəfov Qubadlı uğrunda gedən doyüşlərdə şəhidlik zirvəsinə yüksəlib. Prezident, Ali Baş Komandan İlham Əliyevin Sərəncamı ilə ölümündən sonra "Vətən uğrunda", "Füzulinin azad olunmasına görə", "Xocavəndin azad olunmasına görə", "Cəbrayılın azad olunmasına görə" və "Qubadlının azad olunmasına görə" medalları ilə təltif edilib.

O, Qarabağın, doğma Laçının azadlığı uğrunda silaha sarıldı.

Qarabağı, Laçını görməyə-görməyə...

O, Vətənin ağır günündə onun çağırışına ilk hay verənlərdən oldu. Ölümü gözünün önünə alaraq düşmənin üstünə getdi. Bizi addım-addım, metr-metr, səngər-səngər müqəddəs Qarabağa, möhtəşəm Qələbə gününə yaxınlaşdırdı...

Özü həmin günü görməsə də...

Özünə heç vaxt unudulmayacaq, ürəklərdə yaşayacaq bir ünvan qazandı-əbədiyyət ünvanı...

Beşbarmaq abidələri  tarixi irsimizin daş yaddaşı  FOTO like
  • 13 Yan 23:00  
Digərləri Beşbarmaq abidələri tarixi irsimizin daş yaddaşı FOTO

Beşbarmaq abidələrində elmi araşdırmalara XX əsrdə başlanılıb. İlk d

arrow Ətraflı
Bəy kostyumunu bayraqla əvəzlənən şəhid Rüfət Əliyev  FOTO like
  • 13 Yan 22:44  
Digərləri Bəy kostyumunu bayraqla əvəzlənən şəhid Rüfət Əliyev FOTO

44 günlük Vətən müharibəsində qəhrəmanlıq göstərərək şəhid olan

arrow Ətraflı
Cənubi Qafqazda yeni yollar investisiya axını və biznesin inkişafı deməkdir like
  • 13 Yan 22:35  
Siyasət Cənubi Qafqazda yeni yollar investisiya axını və biznesin inkişafı deməkdir

Azərbaycan və Rusiya prezidentləri, Ermənistanın baş naziri arasında keç

arrow Ətraflı
Ceyhun Bayramov Mevlüt Çavuşoğlu ilə görüşüb  FOTO like
  • 13 Yan 22:15  
Siyasət Ceyhun Bayramov Mevlüt Çavuşoğlu ilə görüşüb FOTO

Azərbaycan Respublikasının xarici işlər naziri Ceyhun Bayramov Pakistan İs

arrow Ətraflı
Dövlət avtomobilləri satışa çıxır  YPX maşını 8 min AZN  QİYMƏTLƏR like
  • 13 Yan 22:10  
Digərləri Dövlət avtomobilləri satışa çıxır YPX maşını 8 min AZN QİYMƏTLƏR

2 fevral 2021-ci il tarixdə hərraca çıxarılan nəqliyyat vasitələrinin si

arrow Ətraflı
Azərbaycanın əməkdar artisti koronavirusdan VƏFAT ETDİ  FOTO like
  • 13 Yan 21:54  
Kriminal Azərbaycanın əməkdar artisti koronavirusdan VƏFAT ETDİ FOTO

Azərbaycan Dövlət Akademik Opera və Balet Teatrının keçmiş solisti, əm

arrow Ətraflı
XİN Ceyhun Bayramovun pakistanlı həmkarıyla görüşü barədə məlumat yaydı  FOTO like
  • 13 Yan 21:50  
Siyasət XİN Ceyhun Bayramovun pakistanlı həmkarıyla görüşü barədə məlumat yaydı FOTO

Pakistan İslam Respublikasına rəsmi səfəri çərçivəsində Azərbaycan Re

arrow Ətraflı