“Azərbaycan Respublikasının Medianın İnkişafı Agentliyi” publik hüquqi şəxs yaradıldı


Siyasət 12 Yan 2021 18:51:00 56 0

“Azərbaycan Respublikasının Medianın İnkişafı Agentliyi” publik hüquqi şəxs yaradıldı

Prezident İlham ƏliyevAzərbaycan Respublikasında media sahəsində islahatların dərinləşdirilməsi haqqında Fərman imzalayıb.

Bu xəbəri də oxu: Deputatlar tətildən qayıdırlar

Son.az AZƏRTAC-a istinadən bildirir ki, fərmanda deyilir:

- Ötən əsrin 90-cı illərində Azərbaycan Respublikasında dövlət müstəqilliyi bərpa edildikdən sonra müasir medianın formalaşması və inkişafı üçün geniş imkanlar yaranmışdır. Həyata keçirilmiş köklü islahatlar nəticəsində ölkədə senzura, söz və məlumat azadlığını məhdudlaşdıran digər süni maneələr aradan qaldırılmış, medianın fəaliyyətini tənzimləyən mütərəqqi qanunvericilik bazası formalaşdırılmış, redaksiyaların davamlı inkişafı, onların iqtisadi müstəqilliyinin gücləndirilməsi, jurnalistlərin sərbəst fəaliyyətinin təmin edilməsi məqsədilə ardıcıl tədbirlər görülmüşdür.

Ötən dövr ərzində Azərbaycan mediası özünəməxsus inkişaf yolu keçmiş, ölkəmizdə və dünyada baş verən hadisələrlə bağlı cəmiyyətin məlumatlandırılması, xalqımızın haqq səsinin dünya ictimaiyyətinə çatdırılması istiqamətində məqsədyönlü fəaliyyət göstərmişdir. Bununla yanaşı, Azərbaycanda cəmiyyət həyatının hər bir sahəsini əhatə edən köklü islahatların həyata keçirildiyi, habelə bütün dünyanı əhatə edən vahid informasiya məkanında yeniliklərin intensiv xarakter aldığı, kommunikasiya vasitələrinin sürətlə inkişaf etdiyi, mütərəqqi texnologiyaların, iş metodlarının tətbiq olunduğu müasir dövrdə media sahəsində keyfiyyət dəyişikliklərinə ehtiyac vardır.

Qlobal informasiya mühitinin müəyyənləşdirdiyi fəaliyyət prinsiplərinə uyğun olaraq modernləşmə, rasionallıq, qabaqcıl texnologiyaların geniş tətbiqi, aparıcı trendlərin izlənilməsi və digər mühüm şərtləri özündə birləşdirən innovativ təkamülün yaratdığı imkanlardan Azərbaycan mediasının daha çox bəhrələnməsi, onun şəffaflıq və vətəndaş məmnunluğu prinsiplərinə əsaslanan, cəmiyyətin obyektiv və peşəkar şəkildə məlumatlandırılmasına xidmət edən fəaliyyətinin stimullaşdırılması üçün bu sahədə əsaslı islahatlar aparılmasına zərurət yaranmışdır.

Azərbaycan Respublikasında medianın inkişafının dəstəklənməsi, bu sahədə institusional quruculuq işlərinin davam etdirilməsi, yeni informasiya-kommunikasiya texnologiyalarının və innovasiyaların tətbiqinin stimullaşdırılması məqsədilə, Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun əsasında "Azərbaycan Respublikasının Medianın İnkişafı Agentliyi" publik hüquqi şəxs yaradılsın.

2. "Azərbaycan Respublikasının Medianın İnkişafı Agentliyinin Nizamnaməsi" təsdiq edilsin (əlavə olunur).

3. Azərbaycan Respublikasının Medianın İnkişafı Agentliyi (bundan sonra - Agentlik) Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun hüquqi varisidir, onun hüquq və öhdəlikləri, habelə əmlakı Agentliyə keçir.

4. Agentliyin nizamnamə fondu 285 405 (iki yüz səksən beş min dörd yüz beş) manat təşkil edir və dövlət büdcəsinin vəsaiti hesabına formalaşır.

5. Müəyyən edilsin ki:

5.1. Agentliyin fəaliyyətinə ümumi rəhbərliyi və nəzarəti Azərbaycan Respublikası Prezidentinin vəzifəyə təyin və vəzifədən azad etdiyi sədr və 6 (altı) üzvdən ibarət Müşahidə Şurası həyata keçirir;

5.2. Agentliyin fəaliyyətinə cari rəhbərliyi Azərbaycan Respublikası Prezidentinin vəzifəyə təyin və vəzifədən azad etdiyi İcraçı direktor həyata keçirir;

5.3. Agentliyin saxlanma xərcləri və fəaliyyəti dövlət büdcəsi və qanunla qadağan olunmayan digər mənbələr hesabına maliyyələşir.

6. Agentliyin təsisçisinin səlahiyyətlərinin həyata keçirilməsi aşağıdakılara həvalə edilsin:

6.1. Azərbaycan Respublikasının Prezidentinə:

6.1.1. Agentliyin nizamnaməsinin təsdiqi və nizamnamə fondunun miqdarının müəyyən edilməsi, onların dəyişdirilməsi;

6.1.2. Agentliyin idarəetmə orqanlarının yaradılması, idarəetmə orqanlarının rəhbərlərinin (üzvlərinin) vəzifəyə təyin və vəzifədən azad edilməsi;

6.1.3. Agentliyin ləğvi və yenidən təşkili;

6.1.4. nizamnaməsində nəzərdə tutulmayan məqsədlər üçün Agentliyin mənfəətinin dövlət büdcəsinə köçürülməsi barədə qərar qəbul edilməsi;

6.1.5. Agentliyin işçilərinin say həddinin və onların əməkhaqlarının (vəzifə maaşının, vəzifə maaşına əlavələrin, mükafatların və digər ödənişlərin) məbləğinin təsdiqi;

6.1.6. Agentliyin təsərrüfat cəmiyyətlərinin yaradılmasına və ya onlarda iştirak etməyə, idarə, filial və nümayəndəliklərin yaradılmasına razılıq verilməsi;

6.2. Agentliyə:

6.2.1. bu Fərmanın 6.1-ci bəndində qeyd edilənlər istisna olmaqla, "Publik hüquqi

şəxslər haqqında" Azərbaycan Respublikası Qanununun 8.2-ci maddəsində publik hüquqi şəxsin təsisçisinin səlahiyyətlərinə aid edilmiş digər məsələlərin həlli.

7. Azərbaycan Respublikası Prezidentinin Administrasiyası:

7.1. "Media haqqında" Azərbaycan Respublikası qanununun layihəsini iki ay müddətində hazırlayıb Azərbaycan Respublikasının Prezidentinə təqdim etsin;

7.2. bu Fərmandan irəli gələn digər məsələləri həll etsin.

8. Azərbaycan Respublikasının Nazirlər Kabineti:

8.1. Azərbaycan Respublikası Prezidentinin aktlarının bu Fərmana uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

8.2. Azərbaycan Respublikası Nazirlər Kabinetinin normativ hüquqi aktlarının bu Fərmana uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin;

8.3. mərkəzi icra hakimiyyəti orqanlarının normativ hüquqi aktlarının bu Fərmana uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;

8.4. dövlət qeydiyyatına alındığı gündən bir ay müddətində Agentliyin inzibati bina ilə təmin edilməsi və maddi-texniki təminatı məsələlərini həll etsin;

8.5. Agentlik "Hüquqi şəxslərin dövlət qeydiyyatı və dövlət reyestri haqqında" Azərbaycan Respublikasının Qanunu ilə müəyyən edilmiş qaydada dövlət qeydiyyatına alındığı gündən bir ay müddətində Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun balansındakı əmlakın Agentliyin balansına verilməsini təmin etsin;

8.6. bu Fərmandan irəli gələn digər məsələləri həll etsin.

9. Agentlik:

9.1. Agentliyin işçilərinin say həddi və onların əməkhaqlarının (vəzifə maaşının, vəzifə maaşına əlavələrin, mükafatların və digər ödənişlərin) məbləği barədə təkliflərini bir ay müddətində Azərbaycan Respublikasının Prezidentinə təqdim etsin;

9.2. Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun işçilərinin Agentlikdə müvafiq vəzifələrə təyin olunmaları ilə bağlı tədbirlər görsün və nəticəsi barədə Azərbaycan Respublikasının Nazirlər Kabinetinə məlumat versin;

9.3. Agentliyin dövlət qeydiyyatına alınması üçün bu Fərman qüvvəyə mindiyi tarixdən 3 (üç) gün müddətində "Hüquqi şəxslərin dövlət qeydiyyatı və dövlət reyestri haqqında" Azərbaycan Respublikasının Qanunu ilə müəyyən edilmiş qaydada Azərbaycan Respublikasının İqtisadiyyat Nazirliyinə müraciət etsin;

9.4. bu Fərmandan irəli gələn digər məsələləri həll etsin.

10. Azərbaycan Respublikasının Maliyyə Nazirliyi:

10.1. bu Fərmanın 4-cü hissəsində və 5.3-cü bəndində nəzərdə tutulan maliyyələşməni təmin etsin;

10.2. Agentliyin saxlanılması və fəaliyyəti üçün tələb olunan vəsaiti hər il üçün dövlət büdcəsinin layihəsində nəzərdə tutsun.

11. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların bu Fərmana uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.

Prezident İlham Əliyev Nursultan Nazarbayevi təbrik edib like
  • 12 Yan 18:48  
Siyasət Prezident İlham Əliyev Nursultan Nazarbayevi təbrik edib

Prezident İlham Əliyev Qazaxıstan Respublikasının birinci Prezidenti - Elba

arrow Ətraflı
Şimali Koreya rəsmilərindən qəribə davranış like
  • 12 Yan 18:46  
Dünya Şimali Koreya rəsmilərindən qəribə davranış

Şimali Koreya rəsmilərindən qəribə davranış: Bir il sonra qəfil maska t

arrow Ətraflı
"Hələ yer üzündə sənin kimi ikiüzlü insan görməmişəm" like
  • 12 Yan 18:44  
Şou-biznes "Hələ yer üzündə sənin kimi ikiüzlü insan görməmişəm"

Müğənni Əlikram Bayramovun Hövsan qəsəbəsində özünə yeni tikdirdiyi

arrow Ətraflı
Prezident İlham Əliyev indoneziyalı həmkarına başsağlığı verdi like
  • 12 Yan 18:43  
Siyasət Prezident İlham Əliyev indoneziyalı həmkarına başsağlığı verdi

Prezident İlham Əliyev İndoneziya Respublikasının Prezidenti Zati-aliləri

arrow Ətraflı
Türk çayını Amerika bazarlarında satdıracaq like
  • 12 Yan 18:42  
Digərləri Türk çayını Amerika bazarlarında satdıracaq

Aktyor Çağatay Ulusoy iki il əvvəl iş həyatına atılıb.

arrow Ətraflı
Sandu ilk rəsmi səfərini Ukraynaya etdi like
  • 12 Yan 18:39  
Dünya Sandu ilk rəsmi səfərini Ukraynaya etdi

Moldovanın yeni seçilmiş Prezidenti Maya Sandu ilk rəsmi səfərini Ukraynay

arrow Ətraflı
"Moskva bəyanatı Azərbaycanın milli maraqları baxımından növbəti uğurlu addımdır" like
  • 12 Yan 18:37  
Siyasət "Moskva bəyanatı Azərbaycanın milli maraqları baxımından növbəti uğurlu addımdır"

Yanvarın 11-də Moskvada Rusiya Prezidenti Vladimir Putin, Azərbaycan Preziden

arrow Ətraflı
Azərbaycan bu regionlardan quş və quş məhsullarının idxalına qadağa qoydu like
  • 12 Yan 18:34  
Digərləri Azərbaycan bu regionlardan quş və quş məhsullarının idxalına qadağa qoydu

Azərbaycan Respublikasının Qida Təhlükəsizliyi Agentliyi (AQTA) tərəfind

arrow Ətraflı
Bakıda kişi oğlanları ilə birgə qardaşı oğlunu döydü like
  • 12 Yan 18:33  
Kriminal Bakıda kişi oğlanları ilə birgə qardaşı oğlunu döydü

Bakının Xəzər rayonunda cinayət törətməkdə təqsirli bilinən 1952-ci i

arrow Ətraflı
"Nə qədər pul versələr də heç vaxt siqaret reklam etmərəm" like
  • 12 Yan 18:28  
Şou-biznes "Nə qədər pul versələr də heç vaxt siqaret reklam etmərəm"

Sənətimin hər dövründə gedib restoranda oxumağı qəbul etməmişəm. Ya

arrow Ətraflı
Kadir Doğulu karantin qaydalarını pozdu like
  • 12 Yan 18:22  
Digərləri Kadir Doğulu karantin qaydalarını pozdu

Ötən gün aktyor Kadir Doğulu İstanbulun Cihangir səmtində kameralara tuş

arrow Ətraflı
İranda bir gündə 6,4 min nəfər koronavirusa yoluxub, like
  • 12 Yan 18:17  
Dünya İranda bir gündə 6,4 min nəfər koronavirusa yoluxub,

İranda ötən sutka ərzində 98 nəfər koronavirusdan (COVID-19) ölüb.

arrow Ətraflı
ABŞda COVID19dan ölənlərin sayı 376 mini ötüb like
  • 12 Yan 18:16  
Dünya ABŞda COVID19dan ölənlərin sayı 376 mini ötüb

ABŞ-da son sutka ərzində yeni növ koronavirus (COVID-19) infeksiyasına 204

arrow Ətraflı
"Möcüzəyə ehtiyacım var" like
  • 12 Yan 18:15  
Kriminal "Möcüzəyə ehtiyacım var"

Artıq doğmalarım, dostlarım üçün çox darıxıram. Teatrımızın yenidə

arrow Ətraflı
Səfərbərlikdən tərxis edilmiş şəxslərin müraciətlərinə baxılır  VİDEO  FOTO like
  • 12 Yan 18:14  
Digərləri Səfərbərlikdən tərxis edilmiş şəxslərin müraciətlərinə baxılır VİDEO FOTO

Səfərbərlikdən tərxis edilmiş şəxslərin qəbulunun keçirilməsi, onlar

arrow Ətraflı