İranlı millət vəkili Dağlıq Qarabağ münaqişəsinin həll yolundan danışdı


Digərləri 22 Sen 2020 20:09:00 119 0

İranlı millət vəkili Dağlıq Qarabağ münaqişəsinin həll yolundan danışdı

"Dağlıq Qarabağ münaqişəsi siyasi yolla həll olunmalıdır".

Son.az bildirir ki, bunu APA-nın İran müxbirinə açıqlamasında İran parlamentinin Ərdəbil əyalətinin Parsabad şəhərindən olan millət vəkili Abbas Cahangirzadə deyib.

O bildirib ki, münaqişənin həlli hər iki ölkənin xeyrinədir: "İran da bu yolda önəmli addımlar atır və münaqişənin sülh yolu ilə həllində maraqlıdır".

İran və Azərbaycan xalqlarının çoxlu oxşarlıqlarının olduğunu vurğulayan A. Cahangirzadə qeyd edib ki, Azərbaycan və İran xalqları müştərək din və mədəniyyətə sahibdir və bu, hər iki xalqı daha da yaxınlaşdırır: "Elə bu səbəbdən də Dağlıq Qarabağ münaqişəsinin həllində maraqlıyıq və müharibənin olmasını istəmirik".