Son.az bildirir ki, bunu Trend-ə İsveçrənin İqtisadi Əlaqələr üzrə Dövlət Katibliyindən (SECO) deyiblər.

Qeyd olunub ki, infrastruktur və nəqliyyat sektorlarında işləyən və bu sahədə böyük təcrübəsi olan İsveçrə şirkətləri tranzit qovşağı qismində Azərbaycanın inkişafına mühüm töhfə verə bilər:

"İsveçrə ilə Azərbaycan arasında ikitərəfli iqtisadi münasibətlər yüksək səviyyədədir, amma gələcək inkişaf üçün də böyük potensial var. 2018-ci ildə ölkələr arasında ticarət dövriyyəsi 260,8 milyon dollara çatıb. Bundan başqa, iki ölkə arasında münasibətləri uzunmüddətli texniki-iqtisadi əməkdaşlıq möhkəmləndirir. Bu gün İsveçrənin texniki yardımı kompleks makroiqtisadi islahatlara yönəlib. İsveçrə, həmçinin Azərbaycanın maliyyə sektorunun inkişafını dəstəkləyir. Bu il İsveçrə və Azərbaycanın iqtisadi inkişaf sahəsində əməkdaşlığının 20 ili tamam olur".