"Yazırlar ki, çirkin, kifir, nə gündəsən..."


Şou-biznes 11 Sen 2020 20:27:00 188 0

"Yazırlar ki, çirkin, kifir, nə gündəsən..."

"Yazırlar çirkindir, kifirdir, nə gündədir, kim olub o... Hamı həyatında hər şey ola bilər: enişli, yoxuşlu yaşayan, çirkin, gözəl, kasıb, dövlətli... Sayqı olmalıdır, bir insanı dərindən tanımırsansa, onun haqqında danışmayın. İnsanlara ancaq yaxşılıq arzulayıram".

Son.az axşam.az-a istinadən bildirir ki, bu sözləri Əməkdar artist Rühəngiz Allahverdiyeva "Həyat, sevgi və göz yaşları" layihəsində deyib. Müğənni sosial şəbəkədə ünvanına yazılan tənqidlərdən söz açıb.

Həyatından söz açan ifaçı keçirdiyi ağır günlərdən danışıb. O, qardaşlarının onun üçün etdiklərini açıqlayıb:

"Qardaşlarım oxumağa qoymurdu. Anam nəsə satıb, bizi saxlayırdı. Bir nəfər anamdan mal alıb, pulunu vermədi, pis vəziyyətə düşdük. Ailəmin ağır gününə görə oxumağa başladım. Məni hər yerə qardaşlarım aparıb-gətirirdi. Oxuyanda utanırdım, üzümü çevirirdim divara. Hətta harasa gedəndə geyinməyə paltarım olmurdu, qardaşım iki koftasın satıb mənə kostyum almışdı.

Anam övladlarımı saxladı, oxuyub pul qazandım. Qardaşlarıma, bacıma kömək etdim. Öz toyumu da özüm etmişəm. Etdiklərimi demirəm, uşaq evlərinə belə gedəndə gizlətmişəm, çəkilməsinə icazə verməmişəm. Bunu çəkib göstərəndə nə olur ki...

Anam dünyasını dəyişəndə çox ağladım, hər gün yalvarırdım ki, Allahım, anamı mənə göstər. Bir gün oturmuşdum, bir də gördüm anam və xalam. Əməlli başlı Allah onları göstərdi. Yuxu deyildi, gerçək idi. Qorxdum, dedim, Allah, düz edib dünyasını dəyişənləri insana göstərmirsən, adamın ürəyi partlayar".