Son.az qafqazinfo-ya istinadən xəbər verir ki, bu barədə model instaqram hesabında məlumat verib. O, ərindən psixoloji şiddət gördüyü üçün boşanma qərarı verdiyini açıqlayıb.

"Hər qadının yaşaya biləcəyi, amma başına gəlməyəcəyinə ümid etdiyi bir xəyal qırıqlığı nəticəsində Pedro ilə olan əlaqəmi iyun ayında bitirmək qərarına gəldim. Hamiləliyim ərzində və sonra müxtəlif şəkillərdə səsləndirilən ağır tənqidlər məni bu qərara sürüklədi. Doğuşdan sonra əvvəlki bədən formama qayıtmağım üçün göstərdiyi təzyiqlər, eləcə də hamilə ikən bir ədəd dondurma yediyimə görə şiddətli dava çıxarması mənim üçün son dərəcə ağır idi. 

Doğuşdan iki həftə sonra "uşağa baxmaq və gecə yuxusuz qalmaq sənin işin deyil" deyərək evə məcburən iki dayə gətirib "indi idman etmək və arıqlamaq vaxtıdır" söylədi. Mən bir uşağın sahibi deyiləm, anayam və qızımın hər şeyi ilə maraqlanmaq ən böyük vəzifəmdir", - deyə T. Şahin bildirib.

Qeyd edək ki, eks-cütlüyün bu evlilikdən Siena Leyla adlı bir qızı var.