Livan Prezidenti: "Partlayışda xarici müdaxilə ehtimalı da var"
Dünya 07 Avq 2020 19:40:00 138 0
Livan Prezidenti Mişel Aun Beyrut limanınıdakı partlayışın səbəbləri arasında xarici müdaxiləni istisna etməyib. Son.az APA-ya istinadən xəbər verir ki, Livan Prezidenti bu barədə yerli mətbuata bildirib. "Partlayışın səbəbi hələ müəyyənləşməyib. Raket, bomba və ya başqa bir hərəkət vasitəsi ilə xarici müdaxilə ehtimalı da var", - deyə Mişel Aun deyib. Livan Prezidenti bildirib ki, avqustun 4-də baş verən partlayışla bağlı tədqiqat üç səviyyədə aparılır: "Birincisi, partlayıcı maddənin ora necə daxil olması və saxlanılması... İkincisi, partlayışın səhlənkarlıq və ya qəza nəticəsində baş verib-verməməsi və nəhayət, üçüncüsü, xarici müdaxilənin olması ehtimalı", - deyə Prezident bildirib.
Xatırladaq ki, avqustun 4-də Beyrut limanında güclü partlayış baş verib. Son məlumatlara görə, partlayış nəticəsində 157 nəfər ölüb, 5 000-dən çox insan yaralanıb, onlarla insan itkin düşmüş sayılır.
Son.az
Mənbə: milli.az