Cəlilabadda bələdiyyə və meşəlik ərazilərdə baş verən yanğın söndürülüb
Digərləri 06 Avq 2020 17:49:00 206 0
Cəlilabad rayonunun Seyidbazar kəndi yaxınlığındakı bələdiyyə torpağında baş verən, sonradan yaxınlıqdakı meşəlik əraziyə keçən yanğın Fövqəladə Hallar Nazirliyinin (FHN) yanğından mühafizə xidmətinin və Ekologiya və Təbii Sərvətlər Nazirliyinin (ETSN) yerli qurumlarının əməkdaşları tərəfindən söndürülüb.
ETSN-nin mətbuat xidmətindən Son.az-a verilən məlumata görə, yanğın zamanı 2,5 hektar ərazidə böyürtkən, qaratikan kolları və quru ot örtüyü yanıb.
Nazirlik havaların isti və quraq keçməsi ilə əlaqədar bir daha əhalini təbiətdə olarkən odla ehtiyatlı davranmağa, yanğın təhlükəsizliyi qaydalarına riayət etməyə çağırır.
Mənbə: milli.az