Yaponiyada qızılın pərakəndə satış qiyməti rekord həddə çatıb


Dünya 05 Avq 2020 20:45:00 169 0

Yaponiyada qızılın pərakəndə satış qiyməti rekord həddə çatıb

Avqustun 5-də Yaponiyada qızılın satış qiyməti bu qiymətli metalın pərakəndə satış tarixi boyunca ən yüksək həddə çatıb.

Son.az AZƏRTAC-a istinadən bildirir ki, qızılın kotirovkalarını təyin edən Tokionun "Tanaka kikinzoku" şirkəti bu metalın qramını 7 min 608 yenə (təqribən 72 dollar) təklif edir. Bu, avqustun 4-də olan qiymətdən 152 yen bahadır.

Agentliyin bildirdiyinə görə, maliyyə bazarlarında qeyri-sabitlik davam etdiyi və investorların səhmlərin və dövlət istiqrazlarının qiymətinin kəskin enişindən ehtiyat etdiyi bir vaxtda etibarlı aktiv olaraq qızılın qiyməti artmaqda davam edir. Həmçinin indiki şəraitdə bu nəcib metalın qiymətinin artması, koronavirus pandemiyasının yeni dalğasının gözlənilməsi ilə də əlaqələndirilir.

Xatırladaq ki, Yaponiya hökuməti iyunun əvvəllərində Ümumi Daxili Məhsulun (ÜDM) ilin sonunadək 2,2 faiz azalacağını proqnozlaşdırıb. Bununla yanaşı, cari ilin birinci rübündə Yaponiyada ÜDM-nin 2019-cu ilin son rübü ilə müqayisədə 0,9 faiz azaldığı elan edilib.