“Mənim kimi axmaq olmayın” dedi və səhəri koronavirusdan öldü


Dünya 05 İyl 2020 10:57:00 162 0

“Mənim kimi axmaq olmayın” dedi və səhəri koronavirusdan öldü

ABŞ-ın Kaliforniya ştatının sakini "Facebook"da qorxulu ismarıc yazıb, səhəri isə koronavirusdan ölüb.

Son.az oxu.az-a istinadən bildirir ki, onun hekayəsini "BuzzFeed News" yayımlayıb.

"Bu zarafat deyil. Küçəyə çıxırsınızsa maska taxın və sosial məsafəni qoruyun. Mənim kimi lənətə gəlmiş axmaq olmayın", - deyə 51 yaşlı Tomas Masias özünün sosial şəbəkədəki hesabından yazmışdı.

Yaxın qohumunun sözlərinə görə, karantin müddətində Masias bütün tələbləri yerinə yetirib. Maska taxıb, məsafə gözləyib, insanların cəmləşdiyi yerlərdən qaçıb. Ancaq məhdudiyyətlər aradan götürüldükdən sonra o, dostları ilə açıq havada əylənməyə gedib, burada da koronavirusa yoluxub.

"Axmaqlıq edərək anamı, bacımı və digər ailə üzvlərimi təhlükəyə atdım. Bu ağır təcrübə oldu. Ümidvaram ki, sağalaram. Hamınızı sevirəm", - deyə o, ismarıcında əlavə edib.