Son.az ted.az-a istinadən bildirir ki, qərarın verilməsinə səbəb performans artırmaq, enerji istehlakını isə minimuma endirməkdir.

Apple Silicon-un Mac-larda inqilab yaradacağı deyilir. Bundan başqa, qərar firmanın maddi vəziyyətinə də müsbət təsir göstərəcək. Çünki Apple bu mövzuda başqa şirkətin məhsuluna ehtiyac duymayacaq.

Bəzi mənbələrə görə isə ən böyük səbəb Apple ilə Intel arasında yaşanan problemlərdir. Sabiq Intel mühəndislərindən birinin açıqlamasında deyilir ki, Apple Intel-in problemli olduğu deyilən Skylake prosessorlarına görə ciddi çətinliklərlə üzləşib.

Bu prosessorlarda böyük xətalar aşkara çıxaran şirkət, nəhayət, öz güc qaynağını istehsal etməyə qərar verib.