Prezident: "Sərhədlərimiz yalnız Azərbaycan vətəndaşlarının qəbulu və ölkəni tərk etmək istəyən əcnəbilərin getməsi üçün açıqdır"


Siyasət 30 İyn 2020 17:14:29 66 0

Prezident: "Sərhədlərimiz yalnız Azərbaycan vətəndaşlarının qəbulu və ölkəni tərk etmək istəyən əcnəbilərin getməsi üçün açıqdır"

Belə bir mühüm beynəlxalq təşkilatın həmin Şura iclasının Bakıda keçirilməsini biz Ümumdünya Turizm Təşkilatı tərəfindən dostluq və dəstək əlaməti kimi qiymətləndiririk

İlham Əliyev

"Əməkdaşlığa və Azərbaycanda turizm sektorunu dəstəklədiyinizə görə sizə təşəkkür edirəm. Görüşümüz yadımdadır. O zaman siz nisbətən yaxın vaxtda Ümumdünya Turizm Təşkilatının Baş katibi kimi mühüm vəzifəyə seçilmişdiniz. Zənnimcə, sizin ilk səfərlərinizdən biri Azərbaycana olub. O vaxt biz görüşdük və hətta birlikdə turizm sərgisinə getdik. Beləliklə, görüşlərimizi xatırlayıram və keçən il Bakıda Ümumdünya Turizm Təşkilatının İcraiyyə Şurasının iclasında iştirak etdiyinizə görə də sizə təşəkkürümü bildirmək istərdim. Belə bir mühüm beynəlxalq təşkilatın həmin Şura iclasının Bakıda keçirilməsini biz Ümumdünya Turizm Təşkilatı tərəfindən dostluq və dəstək əlaməti kimi qiymətləndiririk".

"Report"un xəbərinə görə, bunu iyunun 30-da BMT-nin Ümumdünya Turizm Təşkilatının Baş katibi Zurab Pololikaşvili ilə keçirilən videokonfransda Azərbaycan Respublikasının Prezidenti İlham Əliyev deyib.

"Əlbəttə, sizin tövsiyələriniz çox qiymətlidir, biz postpandemiya dövründə onlara riayət edəcəyik. Ona görə ki, siz qeyd etdiyiniz kimi, pandemiya dövründə dünya ölkələrinin çoxu, o cümlədən Azərbaycan da öz sərhədlərini bağlayıb. Bizim sərhədlərimiz indiyə qədər bağlıdır, onlar yalnız Vətənə qayıtmaq istəyən Azərbaycan vətəndaşlarının qəbulu üçün və Azərbaycanı tərk etmək istəyən əcnəbilərin getməsi üçün açıqdır. Bu, onunla bağlıdır ki, biz, ilk növbədə, insanların təhlükəsizliyi, sağlamlığı, onların həyatı barədə düşünürük. Əlbəttə, virusun Azərbaycana kənardan gətirildiyini nəzərə alaraq hesab edirik ki, indiki mərhələdə yeganə düzgün yol sərhədlərin bağlanmasıdır. Lakin, eyni zamanda, ümid edirik ki, pandemiya zəiflədikcə, o cümlədən bizim sıx əməkdaşlıq etdiyimiz Ümumdünya Səhiyyə Təşkilatının tövsiyələrinə riayət etməklə biz də sərhədləri açacağıq. Bunun nə vaxt baş verəcəyini demək çətindir. Lakin bu, baş verən kimi, əlbəttə, turizm sektorunun bərpasına dair sizin tövsiyələriniz çox gərəkli olacaq", - dövlət başçısı əlavə edib.

"Bu dövrdə biz nə etmişik? Biz turizm sektorunun işçilərinin əməkhaqqının çox hissəsini ödəmişik ki, onların dolanışıq üçün vəsaiti olsun və bu sahədə sahibkarlar kadr potensialını qoruyub saxlaya bilsinlər. Mənə təəssüflə məruzə edirlər ki, işçilərin sayı müəyyən qədər ixtisar edilir. Buna görə mən hökumətə təlimat vermişəm ki, bu məsələyə baxılsın və turizm sektorunun dəstəklənməsi davam etdirilsin. Ona görə ki, siz yaxşı bilirsiniz, bu potensialı artırmaq çox çətin və məsul məsələdir. Azərbaycanda biz bu istiqamətdə çox fəal irəliləmişik. Əvvəlcə infrastruktur layihələrindən, ölkəmizin təqdimatı ilə bağlı layihələrdən, sərgilərdə iştirak etməkdən, müxtəlif beynəlxalq tədbirlərin keçirilməsindən başladıq. Deməliyəm ki, Azərbaycanda turizmin sürətli inkişafı çox cəhətdən Formula 1 yürüşlərinin keçirilməsi ilə bağlı idi. Birinci yürüş keçiriləndən dərhal sonra turizmin artmasını gördük. Dediyim kimi, hər il bu potensial artır və müxtəlif məlumatlara görə əcnəbilər Azərbaycanda hər il təqribən 1,5-2 milyard dollar pul xərcləyirlər. Yəni, bu, bizim iqtisadiyyata böyük valyuta axını deməkdir. Buna görə də turizm sənayesinin yaradılması üçün çox böyük qüvvə sərf etmişik və otel biznesi ilə məşğul olan iri firmalar, dünyanın aparıcı brendləri Azərbaycana gəliblər. Bunu nəzərə alaraq, əlbəttə, biz bu sahəni itirə bilmərik. Biz kadr potensialını, qazanılmış təcrübəni qoruyub saxlamalıyıq. Buna görə dövlət bu sahəni dəstəkləyəcək.

Lakin, əlbəttə, postpandemiya dövründə işi daha düzgün görmək üçün bizə sizin təşkilat tərəfindən tövsiyələr lazımdır. Biz buna çox ümid edirik. Əminik ki, sizin verəcəyiniz məsləhətlərə əməl edəcəyik və onları həyata keçirməklə çalışacağıq ki, bu sahəni maksimum qısa müddətdə bərpa edək. Hərçənd bu, asan olmayacaq. Əlbəttə, biz turizm sahəsində aparıcı ölkələrin, böyük təcrübəyə malik olan və özlərinin iqtisadi inkişafında müəyyən dərəcədə, əhəmiyyətli dərəcədə turizm sektoruna güvənən ölkələrin atdığı addımları diqqətlə izləyəcəyik, lakin əlaqələrimizi də davam etdirəcəyik. Əminəm ki, imkan yaranan kimi sizi yenidən Azərbaycanda görəcəyik", - Prezident bildirib.

Bərdədə ağac kəsən şəxs cəzalandırıldı like
  • 30 İyn 17:13  
Sosial Bərdədə ağac kəsən şəxs cəzalandırıldı

Bərdə Regional Meşə Təsərrüfatı Mərkəzinin əməkdaşları tərəfind

arrow Ətraflı
Sevgilisini keçmiş xanımı ilə tanış etdi like
  • 30 İyn 17:12  
Digərləri Sevgilisini keçmiş xanımı ilə tanış etdi

Məşhur müğənni İbrahim Tatlısəs özündən 43 yaş kiçik sevgilisi Gül

arrow Ətraflı
Mütəxəssis: Azərbaycanda artıq yüngül vəziyyətdə olan xəstələrin evdə müalicəsi zəruridir like
  • 30 İyn 17:06  
Digərləri Mütəxəssis: Azərbaycanda artıq yüngül vəziyyətdə olan xəstələrin evdə müalicəsi zəruridir

Azərbaycanda COVİD-19-a yoluxmuş xəstələrin sayı artacağı təqdirdə s

arrow Ətraflı
Turizm bərpa olunana qədər dövlət bu sahənin işçilərinə dəstək göstərəcək like
  • 30 İyn 17:05  
Siyasət Turizm bərpa olunana qədər dövlət bu sahənin işçilərinə dəstək göstərəcək

Ə​lbəttə, turizm pandemiya şəraitində ən çox zərər çəkmiş sahəl

arrow Ətraflı
Azərbaycan Prezidenti: Ümid edirik ki, pandemiya zəiflədikcə, o cümlədən bizim sıx əməkdaşlıq etdiyimiz Ümumdünya Səhiyyə Təşkilatının tövsiyələrinə riayət etməklə biz də sərhədləri açacağıq like
  • 30 İyn 16:51  
Siyasət

"Ümid edirik ki, pandemiya zəiflədikcə, o cümlədən bizim sıx əmək

arrow Ətraflı
Azərbaycanlı müğənninin ölümünün əsl səbəbi bilindi like
  • 30 İyn 16:49  
Digərləri Azərbaycanlı müğənninin ölümünün əsl səbəbi bilindi

Azərbaycanlı müğənni, "Ağbaba" qrupunun solisti Faiq Tağıoğ

arrow Ətraflı
Prezident İlham Əliyev və ÜTT-nin Baş katibi arasında videokonfrans keçirilib - YENİLƏNİB like
  • 30 İyn 16:47  
Siyasət Prezident İlham Əliyev və ÜTT-nin Baş katibi arasında videokonfrans keçirilib - YENİLƏNİB

İyunun 30-da BMT-nin Ümumdünya Turizm Təşkilatının (ÜTT) təşəbbüsü

arrow Ətraflı
Bu həftə 28 mindən çox insan imtahan verəcək like
  • 30 İyn 16:46  
Sosial Bu həftə 28 mindən çox insan imtahan verəcək

Dövlət İmtahan Mərkəzi tərəfindən 2-3 iyul tarixlərində ümumi (9 illi

arrow Ətraflı
Mikayıl Cabbarov: Yeni şərtlər əsasında yaşamağa və işləməyə vərdiş etməliyik like
  • 30 İyn 16:39  
Digərləri Mikayıl Cabbarov: Yeni şərtlər əsasında yaşamağa və işləməyə vərdiş etməliyik

Yeni şərtlər əsasında yaşamağa və işləməyə vərdiş etməliyik.

arrow Ətraflı
Baş nazir: "Karaçidəki terroru Hindistan törədib" like
  • 30 İyn 16:37  
Dünya Baş nazir: "Karaçidəki terroru Hindistan törədib"

“Bunu Hindistanın törətdiyinə heç bir şübhə yoxdur”,- İmran Xan bil

arrow Ətraflı
DSMF-nin Nizamnamə fondu müəyyənləşib like
  • 30 İyn 16:34  
Siyasət DSMF-nin Nizamnamə fondu müəyyənləşib

Dövlət Sosial Müdafiə&Fondunun (DSMF)&İdarə Heyəti Əmək və əhalinin s

arrow Ətraflı