Deputat: “Azərbaycan Ordusu işğalçı Ermənistana öz gücünü göstərib”


Siyasət 26 İyn 2020 13:05:33 166 0

Deputat:  “Azərbaycan Ordusu işğalçı Ermənistana öz gücünü göstərib”

“Azərbaycan mürəkkəb geostrateji regionda yerləşir. Regionumuz öz coğrafi mövqeyinə görə ayrı-ayrı güc mərkəzlərinin maraq dairələrinə daxildir. Bu isə vəziyyəti bir qədər də gərginləşdirir. Tarixən belə olub, bu gün də belədir və gələcəkdə də belə olacaq”.

Hikmət Məmmədov

“Azərbaycan mürəkkəb geostrateji regionda yerləşir. Regionumuz öz coğrafi mövqeyinə görə ayrı-ayrı güc mərkəzlərinin maraq dairələrinə daxildir. Bu isə vəziyyəti bir qədər də gərginləşdirir. Tarixən belə olub, bu gün də belədir və gələcəkdə də belə olacaq”.

Bunu “Report”a açıqlamasında Milli Məclisin Müdafiə, təhlükəsizlik və korrupsiya ilə mübarizə komitəsinin sədr müavini Hikmət Məmmədov (Babaoğlu) deyib.

Onun sözlərinə görə, milli maraqlarımızı qorumaq üçün daima güclü siyasi hakimiyyətə və iqtisadiyyata, güclü diplomatiyaya və güclü orduya ehtiyacımız var: “Bunlar milli gücün əsas komponentləridir və müstəqilliyimizi təmin edən vasitələrdir. Ona görə də Azərbaycan Prazidenti bu mühüm istiqamətləri öz siyasətinin prioritetləri kimi müəyyənləşdirib və həmişə diqqət mərkəzində saxlayır. Bu gün Azərbaycan Ordusu dünyanın ən güclü 50 ordusu sırasındadır və bu qürurvericidir. Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev iyunun 25-də Müdafiə Nazirliyinin "N" saylı hərbi hissəsinin açılışında çıxış edərkən məhz bir daha bu məsələlərə kompleks yanaşaraq ölkəmizdə həyata keçirilən ordu quruculuğu, ordumuzun real vəaziyyəti, işğalçı Ermənistanda baş verən proseslər və torpaqlarımızın erməni işğalından azad edilməsilə bağlı mühüm və aktual məsələlərə toxundu”.

Komitə sədrinin müavini qeyd edib ki, əslində Prezidentin nitqi görülən və görüləcək işər və eyni zamanda işğal faktına son qoyulması üçün hansı zəruri şərtlərin olmasının qısa məcmusudur: “Prezident İlham Əliyevqeyd etdi ki, son illər ölkəmizdə ordu quruculuğunda, xüsusilə hərbi hissələrin tikintisində Azərbaycan standartları tətbiq edilir və bu standartlar ən yüksək qiymətə layiqdir. Yeniliklər də kifayət qədər çoxdur, xidməti yüksək səviyyədə aparmaq üçün bütün imkanlar yaradılıb. Bu fikirlər şəxsi heyətin xidmət aparması üçün bütün zəruri şərtlərin yüksək səviyyədə təmin edildiyini göstəriri. Eyni zamanda atılan bu addım Ali Baş Komandanın Milli Ordumuzun şəxsi heyətinə olan diqqət və qayğısının ifadəsidir. Ancaq şübhəsiz ki, ordunun texniki təhcizatı və döyüş hazırlığı da ən ümdə vəzifələrdən biridir. Bu faktor həm müharibə şəraitində canlı qüvvənin itkilərini azaldır, həm də düşmən üzərində üstünlək əldə etməyə imkan verir. Ona görə də Prezident İlham Əliyev bu məsələlərə toxunaraq bildirdi ki, son illərdə ordumuzun müasir silah-sursat, texnika ilə təchizatı da təşkil edilir. Bu məqsədlər üçün milyardlarla dollar vəsait xərclənib”.

Deputat bildirib ki, bu gün texniki təchizat baxımından Azərbaycan Ordusu güclü ordular sırasındadır: “Bizim zirehli texnikalarımız ən yüksək standartlara cavab verir, hava hücumundan müdafiə sistemimiz müasirləşib. Hava hücumundan müdafiə üzrəmüasir qurğularımız imkan verir ki, bizim ölkəmiz, o cümlədən strateji obyektlər qorunsun. Cəbhə bölgəsində yaranmış vəziyyət bir daha onu göstərir ki, Azərbaycan strateji üstünlüyə malikdir. Ona görə ordumuzun müasir silah-sursat, texnika ilə təchizatı bundan sonra da davam etdiriləcək.

Bütün bunlarla yanaşı Prezident İlham Əliyev işğalçı ölkədəki vəziyyətə diqqəti çəkərək bu ölkədə demokratiya adı altında diktatura rejiminin qurulduğunu bildirdi. Əslində doğurdan da işğalçı Ermənistan bu gün terroru və faşizmi dövlət siyasəti səviyyəsinə qaldırıb və işğal etdiyi Azərbaycan torpaqlarını azad etmək istəmir. Bu isə regionda gərginliyi artırmaqla yeni müharibə təhlükəsi yaradır .Milli Ordumuzun gücünə diqqət çəkən Prezident qeyd etdi ki, həm 2016-cı ilin, həm 2018-ci illərin hərbi əməliyyatları göstərdi ki, biz böyük ərazilərimizi işğaldan azad edə bilmişik. Füzuli, Cəbrayıl, Ağdərə rayonlarının bir hissəsini 2016-cı ildə düşməndən azad etmişik və o torpaqlarda Azərbaycan bayrağını ucaltmışıq. Ermənilərin işğal edilmiş torpaqlarda qazdıqları səngərlərə girmişik. Biz indi orada otururuq və həmin yerlərdəmöhkəmlənmişik.

Uğurlu Naxçıvan əməliyyatı nəticəsində 10 min hektardan çox ərazini işğalçılardan azad etmişik və strateji yüksəkliklərə çıxmışıq. Ermənistandan Dağlıq Qarabağa gedən yol bizim gözümüzün qabağından keçir. Ona görə döyüş qabiliyyətinin artırılması istiqamətində əlavə addımlar atılmalıdır ki, biz hər an ərazi bütövlüyümüzü bərpa etmək üçün tam hazır olaq. Bizim ərazi bütövlüyümüz bərpa edilməlidir və ediləcək, heç kimdə bu haqda şübhə olmasın. Doğurdan da bu gün Azərbaycan Ordusu keçirdiyi hərbi əməliyyatlarla öz gücünü işğalçı Ermənistana göstərib və hər kəsə aydındır ki, növbəti “Aprel döyüşləri” həmləsi Azərbaycan torpaqlarının tam azad edilməsinə gətirib çıxara bilər. Ona görə də hər bir Azərbaycan vətəndaşı bu gün öz Milli Ordusu, onun şəxsi heyəti ilə və döyüş qabiliyyəti ilə fəxr edir .