Amazon ofislərində və anbarlarında sosial məsafəni təmin etmək üçün süni intellektə əsaslanan izləmə sistemi işə salınıb. Bununla da işçilər arasında koronavirus ötürülməsi riski azaldılıb.

Son.az ted.az-a istinadən bildirir ki, şirkətin anbarlarında quraşdırılmış monitorlarda təhlükəsiz məsafəni qoruyan işçilər yaşıl dairələrdə, bir-birinə çox yaxın olan işçilər qırmızı dairələrdə işarələnəcək.

Distance Assistant, həmçinin şirkətin binalarında çəkilən görüntüləri təhlil edir, nəqliyyatın sıx yerlərini müəyyənləşdirməyə kömək edir. Bundan əlavə, Amazon-da işçilər bir-birinə çox yaxın olduqda işıq və səs siqnalları verən cihazlar sınaqdan keçirilir.