Gürcüstan hökuməti iyulun 1-dən sərhədlərini əcnəbi turistlər üçün açmaq barədə qərarına yenidən baxacaq.

Son.az xəbər verir ki, bu barədə AZƏRTAC-a Gürcüstanın hökumət dəftərxanasından bildiriblər.

Məlumatda qeyd olunub ki, hökumətin iyunun 22-də keçirilən iclasında beynəlxalq turizmin bərpası və digər məsələlər müzakirə olunub. Gürcüstan, İsrail və Avropa İttifaqı və digər tərəfdaş ölkələr ilə turizmin bərpası üzrə uğurlu danışıqlar aparıb. Lakin həmin ölkələr epidemioloji vəziyyətə görə sərhədlərini turistlər üçün açmağı təxirə salıblar. Gürcüstan hökuməti dünyada koronavirusla bağlı cari tendensiyaları izləyəcək və ölkə sərhədlərinin əcnəbi turistlər üçün açılması barədə müvafiq qərar qəbul edəcək.

Yaxın zamanlarda müvafiq qərar qəbul olunacaq və bu barədə ictimaiyyətə məlumat veriləcək.