Son.az "Qafqazinfo"ya istinadən xəbər verir ki, bu barədə Hollandiya hökumətinin internet saytında açıqlama verilib. Bildirilib ki, iyunun 15-dən etibarən Belçika, Bolqarıstan, Almaniya, Estoniya, İtaliya, Xorvatiya, Latviya, Litva, Lüksemburq, Portuqaliya, Sloveniya və Çexiyadan olan turistlərin ölkəyə girişinə icazə veriləcək.

"Sağlamlıq təhlükəsinin Hollandiya ilə müqayisədə oxşar olduğu və ya daha az olduğu ölkələrdən gələn turistlər bu yay ölkəyə girə bilərlər. Əlbətdə, Hollandiyada koronavirusun yayılmasının qarşısını almaq üçün onlar bütün qaydalara əməl etməlidirlər",- deyə açıqlamada qeyd olunub.

Həmçinin Hollandiya daxilində istirahət məkanlarına dair heç bir ərazi məhdudiyyətinin qoyulmayacağı açıqlanıb. Restoran, kafe, açıq istirahət zonaları, attraksionlar və muzeylərin turistlər üçün açıq olacağı bildirilib.