Tələbələrin təhsil haqqı ilə bağlı müraciətləri gələn həftədən cavablandırılacaq


Digərləri 05 İyn 2020 14:43:00 161 0

Tələbələrin təhsil haqqı ilə bağlı müraciətləri gələn həftədən cavablandırılacaq

Tələbələrin təhsil haqqının dövlət büdcəsinin vəsaiti hesabına ödənilməsi ilə bağlı etdikləri müraciətlərininin nəticələri barədə məlumat növbəti həftədən etibarən verilməyə başlanacaq.

Son.az xəbər verir ki, bu barədə Trend-ə Təhsil Nazirliyindən məlumat verilib.

Bildirilib ki, hazırda ölkədə hər iki tələbədən biri dövlət hesabına oxuyur. Bununla belə, bu dövrdə təhsil haqqının ödənilməsi ilə bağlı tələbələrə əlavə dəstək məqsədilə e-teleb.edu.az portalı fəaliyyət göstərir, həmin portalda sosial baxımdan həssas əhali qrupuna aid edilən ailələrin üzvü olan tələbələr qeydiyyatdan keçərək 2020-ci ilin həm yaz, həm də payız semestrləri üçün təhsil haqqının dövlət tərəfindən ödənilməsi üçün müraciət edə bilər.

Müraciətlərin qəbulu 10 iyun tarixinə qədər davam edəcək.