Son.az Trend-ə istinadən bildirir ki, bunu Təhsil Nazirliyinin İnsan resursları şöbəsinin müdir müavini Murad Camalzadə deyib.

Direktor vəzifəsinə təyinat üçün müsabiqənin test və müsahibədən ibarət olmaqla iki əsas mərhələdə təşkil edildiyini xatırladan M.Camalzadə qeyd edib ki, direktorların işə qəbulu müsabiqəsinin test imtahanlarına qatılanların nəticələrinin ümumi mənzərədə daha aşağı olması bir neçə amillə əlaqədar ola bilər.

Onun sözlərinə görə, müsabiqə qismən yeni olduğu üçün namizədlərdə müvafiq istiqamətlər üzrə hazırlaşma vərdişlərinin zəif olması, məlumatlılığın azlığı və ya proses barədə fərqli təsəvvürün olması səbəbindən daha hazırlıqlı namizədlərin müsabiqəyə ümumiyyətlə qatılmaması, bu müsabiqənin test imtahanları proqramının digərlərinə münasibətdə daha qəliz, əhatəli və əsasən qanunvericiliyə yönəlik olması nəticələrinin daha aşağı olması ilə əlaqədar ola bilər.

M.Camalzadə əlavə edib ki, müsahibə mərhələsinin nəticələri də müqayisə olunan müsabiqənin anoloji mərhələsinə münasibətdə daha aşağıdır: