Ermənistanda referendum ləğv edilir


Dünya 03 İyn 2020 12:18:43 150 0

Ermənistanda referendum ləğv edilir

Ermənistan parlamenti iyunun 3-də&“Referendum haqqında” qanuna dəyişikliklər layihəsini ikinci, yekun oxunuşunda qəbul edib.

Ermənistan parlamenti iyunun 3-də“Referendum haqqında” qanuna dəyişikliklər layihəsini ikinci, yekun oxunuşunda qəbul edib.

“Report” xəbər verir ki, məlumatı Ermənistan KİV-i yayıb.

Qanun layihəsinin lehinə 82, əleyehinə isə 17 deputat səs verib. Bu, Konstitusiyaya dəyişikliklə bağlı referendumun ləğv edilməsinə hüquqi şərait yaradacaq.

Qeyd edək ki, aprelin 5-də Ermənistanda Konstitusiya Məhkəməsinin əvvəlki hakimiyyətdən qalan hakimlərin səlahiyyətlərinin dayandırılması ilə bağlı mövcud Əsas Qanuna dəyişiklik edilməsi üçün referendumun keçirilməsi planlaşdırılmışdı. Ümumxalq səsverməsinə çıxarılacaq layihəhakimlərə 70 yaşadək, hər birində 6 il müddətinə 2 dəfə Konstitusiya Məhkəməsinə üzvseçilmək hüququ veriləcək.Ancaq koronavirusla bağlı yaranmış vəziyyət referendumun qeyri-müəyyən müddətə təxirə salınmasına səbəb olub.

Mütəxəssislər hesab edir ki, Ermənistanın baş naziri Nikol Paşinyan referendumda məğlub olacağından ehtiyatlanaraq pandemiya ilə bağlı yaranmış vəziyyəti əsas götürüb, məsələni parlamentdə həll etməyə üstünlük verib. Bir müddət əvvəl hökumət bildirib ki, Konstitusiya Məhkəməsi ilə bağlı yaranmış vəziyyətə dair qərar pandemiya başa çatanadək, referendum yolu ilə deyil, parlamentdə qəbul ediləcək.

Qeyd edək ki,Ermənistan parlamenti 132 deputatdan ibarətdir. Onların 88-i hakimiyyəti, 44-ü müxalifəti təmsil edir.