Peru Konqresi Azərbaycana təbrik bəyanatı qəbul edib


Siyasət 03 İyn 2020 08:46:20 168 0

Peru Konqresi Azərbaycana təbrik bəyanatı qəbul edib

Peru Konqresi sədrinin ikinci müavini Gilyermo Aliaqa Paxaresin təşəbbüsü əsasında bu qanunvericilik orqanında Azərbaycanın Respublika günü münasibətilə ölkəmizə ünvanlanan təbrik bəyanatı qəbul edilib.

Peru Konqresi sədrinin ikinci müavini Gilyermo Aliaqa Paxaresin təşəbbüsü əsasında bu qanunvericilik orqanında Azərbaycanın Respublika günü münasibətilə ölkəmizə ünvanlanan təbrik bəyanatı qəbul edilib.

Azərbaycanın Peru Respublikasındakı diplomatik nümayəndəliyindən "Report"a verilən məlumata görə, bəyanatda 1918-ci ilin 28 mayındayaradılmış Azərbaycan Xalq Cümhuriyyətinin (AXC) Şərq dünyasında ilk demokratik, hüquqi və dünyəvi dövlət, eyni zamanda ilk parlamentli respublika olduğu qeyd olunur və bu əlamətdar günün xalqımız üçün önəmi vurğulanıb.

Sənəddə həmçininPerunun ölkəmizlə sıx dostluq əlaqələrinin olduğu bildirilir, Azərbaycan xalqına və ölkə rəhbərliyinə demokratiyanın möhkəmləndirilməsi yolunda gördüyü işlərə görə ehtiram ifadə edilib.

Sonda AXC-nin 102-ci ildönümü münasibətilə Peru Konqresi adından ölkəmizə təbrik ifadə olunub.