Gürcüstanda son sutka ərzində koronavirusa 11 yeni yoluxma halı təsdiqlənib.

“Report”un yerli bürosu xəbər verir ki, bu barədə Gürcüstan hökumətinin koronavirusla bağlı xüsusi rəsmi saytında bildirilib.

Bununla da qonşu ölkədə COVID-19-a yoluxanların sayı 794-ə çatıb. Onların 624-ü müalicə olunaraq sağalıb, 12-si isə vəfat edib.

Hazırda ölkə üzrə karantində 2 494, stasionar nəzarətdə isə 301 nəfər saxlanılır. Gürcüstanda xaricdən gətirilən 3 ölkə vətəndaşı da koronavirusdan müalicə olunur.