Gürcüstanda fövqəladə vəziyyət rejimi ləğv edilib
Dünya 23 May 2020 07:35:00 185 0
Gürcüstanda mart ayının sonlarında koronavirus pandemiyası səbəbilə tətbiq edilən fövqəladə vəziyyət rejimi və komendant saatı ləğv edilib.
Son.az Trend-ə istinadən bildirir ki, bunu Gürcüstanın baş nazirinin beynəlxalq məsələlər üzrə müşaviri İrakli Çikovani deyib.
İ.Çikovani bildirib: "Ölkənin atdığı uğurlu addımlar və gördüyü tədbirlər bizə fövqəladə vəziyyətin sona çatması, həmçinin məhdudiyyətlərin mərhələli şəkildə aradan qaldırılması barədə danışmağa imkan verir".
Bildirilir ki, kafelər, restoranlar, idman zalları, fitnes-mərkəzlər, iri ticarət mərkəzləri, həmçinin mehmanxanalar bağlı qalır.
Mənbə: milli.az