“Karantin rejiminin qaydalarına əməl etməyən ictimai iaşə və özəl şirkətlərin rəhbərlərinin cərimə olunması üçün danışıqlar gedir. Qanunvericiliyə bununla bağlı dəyişikliyin edilməsi gözlənilir. Odur ki, hüquqi və fiziki şəxslər üçün cərimələrin şahidi ola bilərik”.

“Report” xəbər verir ki, bunu “Tibbi Ərazi Bölmələrini İdarəetmə Birliyi”nin (TƏBİB) İdarə Heyətinin sədri Ramin Bayramlı Nazirlər Kabineti yanında Operativ Qərargahın brifinqində çıxışı zamanı deyib.

“İctimai iaşə və özəl şirkətlərin qaydalara cidd əməl etmələrini tövsiyə edirik”, - o bildirib.