Koronavirusdan qorunmaq üçün TƏKLİF: "Virtual öpüşün, birbirinizi..."


Digərləri 20 May 2020 17:38:00 140 0

Koronavirusdan qorunmaq üçün TƏKLİF: "Virtual öpüşün, birbirinizi..."

"İslam və Azərbaycan mental dəyərlərinə görə insanların yaxın təması qadağan edilir. 19-cu əsrə qədər insanların əl görüşməsi belə məqbul sayılmırdı. Sovetlər dönəmində əllə görüşmək və öpüşmək dəb halını aldı. Brejnevin məşhur öpüşü yadımızdadır".

Son.az xəbər verir ki, bu fikirləri yenicag.az-a açıqlamasında bildirən kulturoloq Aydın Xan Əbilov pademiya və pandemiyadan sonrakı dövrdə də sosial məsafənin qorunmasının vacib olduğunu deyib. O, ilk növbədə görüşərkən öpüşməyin əleyhinə olduğunu deyib.

O, xüsusilə, son illər ənənə halını alan kişilərin öpüşməsinə qarşı çıxıb və maraqlı təklif irəli sürüb:

"Sovetlər dönəmində dəbə düşən öpüşmək Azərbaycanda ənənə halını aldı. Xüsusən son zamanlar şair Oqtay Rzanın şeirində deyildiyi kimi, yaman artıb kişi öpüşü. Bu da normal qarşılanmamalıdır. Çünki bir çox xəstəliklər öpüş vasitəsi ilə ötürülür.

İnsanlar pandemiya və pandemiyadan sonrakı dönəmlərdə öpüşməyi bir-birinə qadağan etməlidir. Təklif edərdim ki, virtual öpüşlərdən, "smaylik"lərdən istifadə olunsun. Canlı-canlı öpüşməkdənsə, virtual öpüşün, bir-birinizi virtual şəkildə sevin, sevginizi sosial məsafəni gözləməklə ötürün".