Daha 10 min işsizə birdəfəlik vəsait ödənildi
Digərləri 10 Apr 2020 23:04:00 141 0
Əmək və Əhalinin Sosial Müdafiəsi Nazirliyi (ƏƏSMN) tərəfindən daha 10 min işsiz şəxs üçün birdəfəlik ödəmə bank filiallarına və poçt şöbələrinə köçürülüb.
Son.az xəbər verir ki, bu barədə ƏƏSMN-nin mətbuat xidmətinin rəhbəri Fazil Talıblı bildirib.
Nazirlik rəsmisi qeyd edib ki, bu barədə onların müraciət edərkən qeyd etdikləri telefon nömrəsinə SMS göndəriləcək:
"Mesajı aldıqdan sonra onlar evdən çıxmaq üçün müvafiq qaydada icazə alaraq, SMS-də "Azərpoçt" MMC qeyd edilibsə - istənilən poçt şöbəsinə, SMS-də bank göstərilibsə - həmin bankın istənilən filialına şəxsiyyət vəsiqəsi ilə müraciət edib vəsaitlərini ala bilərlər.
Dünəndən işsiz şəxslərin birdəfəlik ödəmə ilə təminatına başlanıb və ötən gün də 10 min şəxsə ödəniş edilib".
Mənbə: milli.az