Ərdoğan: “Türk Şurası epidemiyadan sonrakı dövrə hazırlaşmalıdır"”


Siyasət 10 Apr 2020 13:29:49 128 0

Ərdoğan: “Türk Şurası epidemiyadan sonrakı dövrə hazırlaşmalıdır"”

Rəcəb Tayyib Ərdoğan 65 ölkədən Türkiyənin 25 mindən çox vətəndaşını geri gətirilməsinə nail olduqlarını da vurğulayıb.

Rəcəb Tayyib Ərdoğan

Türkiyə Prezidenti Rəcəb Tayyib Ərdoğan Türk Şurasının “COVID-19 infeksiyasına qarşı mübarizədə əməkdaşlıq və müqavimət” adlıvideokonfrans vasitəsilə fövqəladə zirvə görüşündə çıxış edib.

“Report”un xəbərinə görə, o, deyib ki, hazırda görünməz düşmənə qarşı çətin mübarizə aparırlar.

Dövlət başçısı virusa qarşı mübarizə məqsədi ilə quruma üzv ölkələrin səhiyyə nazirlərinin videokonfrans keçirərək təcrübə mübadiləsi edəcəklərini də vurğulayıb: “Türk Şurası zirvəsi koronavirusun yayılması ilə mübarizədə həmrəyliyimizi gücləndirəcək. İnfeksiyanın təsiri ilə eyni zamanda qlobal iqtisadi böhranla üz-üzəyik. Görülən tədbirlər aramızdakı ticarətə mənfi təsir göstərə bilər. Beynəlxalq ticarət və yük daşınması təchizat zənciri baxımından vacibdir”.

“Koronavirusa qarşı mübarizədə əlbəttə, qalib gələcəyik. Bundan sonra yeni bir dünyanın reallığı ilə qarşılaşacağıq. Mübarizəmizə davam edərkən, epidemiyadan sonrakı dövrə hazırlaşmalıyıq. İnkişafa vahid şəkildə yanaşmalı, əməkdaşlıq sahələrini müəyyənləşdirməli və tez bir zamanda lazımi addımlar atmalıyıq”, - deyə R.T.Ərdoğan vurğulayıb.

O, 65 ölkədən Türkiyənin 25 mindən çox vətəndaşını geri gətirilməsinə nail olduqlarını da vurğulayıb.

Qeyd edək ki,Azərbaycan Respublikasının Prezidenti, Türkdilli Dövlətlərin Əməkdaşlıq Şurasının sədri İlham Əliyevin təşəbbüsü ilə Türk Şurasının videokonfrans vasitəsilə fövqəladə Zirvə görüşü keçirilir.

Zirvə görüşü koronavirus pandemiyası ilə mübarizə mövzusuna həsr olunub.