“Microsoft” yeni noutbukunun istehsalını təxirə saldı


İqtisadiyyat 09 Apr 2020 17:40:27 126 0

“Microsoft” yeni noutbukunun istehsalını təxirə saldı

“Microsoft” şirkəti koronavirusun (COVID 19) yayılması üzündən çalışmalarını vaxtında başa çatdırılmayan “Surface Neo” noutbukunun bu il istehsalına başlamaq planından daşınıb

“Microsoft” şirkəti koronavirusun (COVID 19) yayılmasıüzündən çalışmaları vaxtında başa çatdırılmayan “Surface Neo” noutbukunun bu il istehsalına başlamaq planından daşınıb.

“Report” xarici KİV-ə istinadən xəbər verir ki, bu barədə şirkətdəki mənbələr bildirib.

Belə ki, “Surface Neo” və bənzər cihazlar üçün məxsusi olaraq qoşaekran noutbuklar üçün nəzərdə tutulan Windows10X əməliyyat sistemi üzərində də işlərin dayandırıldığı bildirilib. Hazırda şirkət bütün səylərini Windows10 əsas sisteminin daha sabit çalışmasına yönəldib.

Xatırladaq ki, 2019-cu ilin payızında təqdim olunmuş “Surface Neo” kiçik planşetə bənzəyir, açılmış vəziyyətdə isə iki nisbətən geniş, 9 düyüm diaqonallı ekrana malikdir. Yeni noutbuku maddi klaviatura ilə də işlətmək olar. Qoşa ekran bir tərəfdən mühəndislərin işini asanlaşdırdı və cihazı daha etibarlı etsə də, ekranlar arasında məsafə olduğundan istifadəçinin narahatlığına səbəb olur.

Bundan əlavə “Microsoft” və “İntel” tərəfindən yeni noutbuk üçün məxsusi hazırlanmış “Lakefield” prosesorunun xüsusi versiyası həm yüksək məhsuldarlığı, həm də gözləmə rejimində qənaətcil enerji sərfini təmin edir.

“Microsoft”un bu ilə buraxılması nəzərdə tutulan qoşa ekranlı “Surface Duo” android smartfonunun da təqdimatının ilin əvvəlindən ortalarınadək təxirə salınacağı bildirilmişdi.