Prezident İlham Əliyevin imzaladığı “Məhkum edilmiş bir sıra şəxslərin əfv olunması haqqında” sərəncamı Ədliyyə Nazirliyi Penitensiar 7 saylı Cəzaçəkmə Müəssisəsində icra olunub.

“Report”un məlumatına görə, cəzaçəkmə müəssisəsindən 6 nəfər azadlığa buraxılır.

Buraxılan ən yaşlı məhkum 1945-ci il təvəllüdlüdür. Digər məhkumlardan 2 nəfər 1952-ci il, 1 nəfər 1953-cü il, 1 nəfər 1954-cü il, 1 nəfər isə 1955-ci il təvəllüddür.

Əfv edilən 6 məhkum Cəzaçəkmə Müəssisəsində həkim müayinəsindən keçirilərək azadlığa buraxıldılar.

Qeyd edək ki, Prezident İlham Əliyevin imzaladığı sərəncam yaşı 65-dən yuxarı 176 nəfərə şamil olunacaq.