Vətəndaşlar evdən çıxmaq istədiklərinə dair icazə əldə etmək üçün mobil nömrədən icazənin məqsədini bildirən xüsusi kodu, şəxsiyyət vəsiqəsinin seriya və nömrəsini SMS-lə 8103 qısa nömrəsinə göndərirlər.

Son.az Trend-ə istinadən Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinə istinadən 8103 SMS icazə sistemi ilə bağlı ən çox verilən sualların cavablarını təqdim edir.

8103 SMS icazə sisteminə göndərilən müraciətlər üçün vətəndaşlardan ödəniş tələb olunmur.

Təsərrüfat sahələri yaşadıqları evə yaxın olan vətəndaşların bununla bağlı evdən çıxarkən SMS icazəyə ehtiyacları yoxdur. Bununla bağlı əlavə məlumat əldə etmək üçün Kənd Təsərrüfatı Nazirliyinin 1652 Çağrı Mərkəzi ilə əlaqə saxlamaq olar.

Etibarlılıq müddəti bitmiş şəxsiyyət vəsiqəsi ilə də SMS sistemi vasitəsilə icazə almaq mümkündür. Bu halda heç bir məhdudiyyət tətbiq olunmur.